É difícil imaxinar que así foi, mais o certo é que hai dúas décadas a ría de Ferrol era a máis importante de Galiza en produción de ameixa, unha actividade que daba de comer a máis dun milleiro de familias na bisbarra.
Os dados, que son os da propia Consellaría do Mar, acreditan nesa realidade e revelan que, se ben a redución da capacidade extractiva do sector marisqueiro galego foi un fenómeno xeneralizado, no caso de Ferrol esa merma foi aínda moito máis acusada.
Os primeiros rexistros publicados polo propio departamento que desde o ano 2009 dirixe Rosa Quintana sinalan que as tres confrarías con autorización na ría de Ferrol venderon a través das súas respectivas lonxas 710.000 toneladas de ameixa babosa ou macho en 1997 –un terzo do total da produción galega-, polas 273.000 coas que rematou o exercicio 2015.
Podes ler a reportaxe íntegra no número 207 do semanario. Á venda en quiosques e na nosa loxa.