O Instituto Xeográfico Nacional (IGN) rexistrou un terremoto de magnitude 1,8 con epicentro na localidade de Vilaboa, comarca de Pontevedra, aínda que non se rexistraron danos.
O movemento sísmico tivo lugar ás 4:22 horas da madrugada desta sexta feira, e o epicentro sitúase a 21 quilómetros de profundidade, entre as zonas da Canicouva e Cacheiro.
No que vai de ano, a Galiza rexistrou varios terremotos de intensidade menor, aínda que algúns si foron percibidos pola poboación, como o movemento sísmico rexistrado o pasado 1 de xaneiro, con magnitude 3,5 e epicentro en Triacastela (comarca de Sarria), ou o rexistrado a mediados de marzo con magnitude 3,7 e epicentro en Sarria (comarca homónima).
A actividade sísmica non é algo estraño neste Concello. Adoita ser de tipo leve, con terremotos que nin sequera chegan a notar a veciñanza e que non ocasionan danos.
De cando en vez rexistra episodios máis salientábeis, como os cinco sismos en apenas 4 horas en 2020.
![O buque venezolano 'Canaima', onde viaxaba o biólogo Faustino Riveiro (na imaxe pequena). [Fotos: Vessel Finder | Cedida]](/asset/zoomcrop,480,270,center,center/media/nosdiario/images/2024/05/17/2024051721510233971.jpg)
