Galiza rexistrou nas últimas horas dous accidentes laborais, un deles mortal en Cerceda (comarca de Ordes) onde unha árbore caeu sobre unha perna a un operario, que acabou falecendo.
O outro ocorreu en Carballeda de Valdeorras (comarca de Valdeorras), cun ferido que tivo que ser evacuado.
No primeiro caso, foi a propia vítima a que contactaba o 112 sobre para informar de que sufrira un accidente e que, aínda que se atopaba liberado e accesíbel, custáballe respirar e tiña unha perna rota.
Coa información solicitada, os xestores do 112 mobilizaron até o lugar do suceso, na parroquia de Xesteda, a persoal da Garda Civil e do Servizo Municipal de Emerxencias, así como persoal sanitario.
Con todo, segundo fontes do operativo interveniente cando chegaron ao lugar tan só puideron corroborar o falecemento do home, veciño de Arzúa.
Accidente en Carballeda
Ademais, outro traballador sufriu un accidente, neste caso unha descarga eléctrica, en Sobradelo, na central hidráulica de Carballeda de Valdeorras.
O ferido foi evacuado ao centro hospitalario de referencia por unha dotación de Urxencias Sanitarias de Galicia-061.
