Centos de traballadores - maís de 2.000 segundo a Policía - tomaron parte esta quinta feira, 27 de xullo, na Coruña manifestación do sector do metal provincial na defensa dun convenio xusto e digno. Era a sétima xornada de greve do sector e os folgos non decaeron nin o máis mínimo. A combatividade seguía alta, como demostraba o novo seguemento masivo dos paros e a asistencia na mobilización.
Os sindicatos convocantes desta greve (CIG, CCOO e UXT) que atinte perto de 18.000 traballadores advertiron da posibilidade de novas mobilizacións perante a actitude de parálise da patronal.
A greve ten a súa orixe na actitude de paralización da patronal no convenio colectivo, que leva negociándose máis de dous anos e medio. Entre as reivindicacións, a de activar a cláusula de revisión do IPC, paralizala no momento de comezar a crise, pero co compromiso de volver activala en canto acabase o convenio. A patronal aceptaría agora este punto. Porén fica avanzar en cuestións como a subrogación a subcontratas que traballan para Fenosa e Telefónica, ou ben os longos contratos a través de ETT, coa precariedade que iso xera. As “altas indebidas” por parte das mutuas é outro dos campos de batalla.
