O ex alcalde de Quiroga Julio Álvarez (PP), detido por violencia machista
Ordes rexistra un terremoto de magnitude 2
Unha moza queda atrapada nunha bufarda en Viveiro ao tentar rescatar o seu gato
Chaman a doar sangue ante as baixas reservas de sangue A positivo e 0 positivo
Ángel Ron pide ao xuíz que arquive a investigación contra el sobre a ampliación de capital do Banco Popular en 2012
Prisión provisional para un home detido en Lugo como presunto autor dunha agresión sexual
Até 131 peticións de batidas de xabaril nos primeiros 11 días de 'emerxencia cinexética'
'Revolta nas aulas', a campaña das Xuventudes Socialistas para exixir máis financiamento en educación
Xuventudes Socialistas presentou esta cuarta feira na Universidade da Coruña (UDC) a campaña 'Revolta nas aulas' co obxectivo de demandar melloras no ámbito educativo e financiamento. O seu secretario xeral, Xurxo Doval, precisou que buscan xerar "pensamento crítico" entre o estudantado ante a "falta de financiamento". Doval demandou unha primeira matrícula gratuíta na universidade e financiamento para os comedores, "que subiron 21%". Ademais, alertou do custo do material escolar, polo que reclamou máis medidas de apoio ás familias, alén de incidir na gratuidade dos libros de texto, que o PP rexeita "cando sacan o bono deportivo". "Hai un desmantelamento encuberto da FP, están a incrementarse as horas de formación virtual cando se perde calidade", engadiu, ao que sumou, entre outras demandas, a dun técnico "que sirva de ligazón" co ámbito empresarial.
Alerta amarela na costa noroeste do país por ondas de até catro metros
A costa noroeste do país e a Costa da Morte estarán esta cuarta feira en aviso amarelo, entre as 21 horas e a madrugada da quinta, por mar de fondo con ondas que poden alcanzar os catro metros. Segundo informa Meteogaliza, está previsto que este aviso amarelo por mar de fondo se prolongue até as 3 horas da madrugada da quinta.Unha nova fronte atlántica traerá un ascenso das temperaturas máximas, que subirán na área cantábrica, alto Ebro e Xirona, segundo a predición da Axencia Estatal de Meteoroloxía (AEMET) que alerta de intervalos de vento forte no litoral noroeste da Galiza.
Unha persoa é trasladada a un centro sanitario tras caer co seu vehículo por un terraplén en Maside
Os bombeiros do Carballiño-O Ribeiro excarceraron na madrugada desta terza feira unha persoa que se saíu da vía e caera por un terraplén en Maside (comarca do Carballiño), polo que foi trasladada a un centro sanitario. Tal como informou o 112 Galiza, foi sobre as 03.20 horas cando os servizos de emerxencia tiveron constancia do accidente, rexistrado no punto quilométrico 79 da AG-53, ao seu paso pola localidade de Maside. Segundo contaba o alertante, un coche saltara a mediana e precipitouse por un terraplén. Por iso, non se podía circular pola vía e tampouco acceder ao vehículo sinistrado.
Impugnan o censo das eleccións sindicais de Navantia-Ferrol por incluír "representantes da empresa"
O Centro Ramón Piñeiro estrea 'Galita', o primeiro dicionario en liña galego-italiano
Rueda viaxará mañá a Madrid para acompañar Feixoo na sesión de investidura
Comeza a vacinación en bebés contra o virus respiratorio sincitial, causante de 80% dos ingresos
Sanidade iniciou esta segunda feira a campaña de inmunización pediátrica contra o virus respiratorio sincitial (VRS), que supón entre 80 e 85% dos ingresos en bebés, segundo datos achegados con motivo das primeiras vacinacións en recentemente nados tras a chegada de 15.500 doses ao país. Así o explicou o conselleiro de Sanidade, Julio García Comesaña, nunha visita ao Hospital Materno Infantil da Coruña na cal estivo acompañado pola directora xeral de Saúde Pública, Carmen Durán, e o xerente da área sanitaria da Coruña e Cee, Luís Verde, xunto a outros profesionais sanitarios, entre eles o xefe da Unidade de Pediatría do Materno, Jerónimo Pardo.
O prezo da luz aumenta 43,4% e marca o nivel máis alto do último mes
Loito oficial no Concello de Sanxenxo polo falecemento do concelleiro do PSdeG Antonio Cacabelos
O Concello de Sanxenxo cancelou todos os actos oficiais previstos para estes días polo falecemento do concelleiro do PSdeG Antonio Cacabelos, que tamén era o presidente do Club de Xubilados de Portonovo. Desta forma, decretou o loito oficial até a segunda feira e as bandeiras ondearán a medio mastro. Así, suspendeu os actos inaugurais da Festa da Empanada e o Pleno ordinario da xornada a segunda feira. Os concelleiros municipais expresaron as súas máximas condolencias a familiares e amigos do falecido.
A Editorial Galaxia ratifica a dimisión de Francisco Castro
O Consello de Administración da Editorial Galaxia, reunido esta sexta feira após os últimos acontecementos, acordou aceptar a dimisión como director xeral de Francisco Castro, avanzada a pasada segunda feira. A editorial agradécelle "os servizos prestados" desde que accedera ao cargo en 2016 e fica pendente de elixir o seu sucesor ou sucesora, unha incógnita polo de agora.