cambio climático

"É preocupante", dixo o comisario europeo de Economía, Paolo Gentiloni, malia os "progresos" na maioría dos Obxectivos de Desenvolvemento Sostíbel.

Científicos de toda Europa lanzan unha campaña para solicitar á Comisión Europea, ao Parlamento Europeo e aos Estados membros que poñan fin de maneira inmediata á sobrepesca. Os ministros de Pesca teñen previsto reunirse tras o verán para estabelecer os límites de capturas para o ano 2021.

"Unha fiestra de oportunidade rara e curta para reconstruír o noso mundo para mellor", considerou António Guterres, secretario xeral da ONU, que supón a pandemia. Fíxoo durante a cimeira Diálogo de Petersberg sobre o Clima, onde Angela Merkel se comprometeu por primeira vez co plan de redución de CO2 para 2030 da UE.

O Movemento Galego polo Clima súmase á convocatoria internacional que prepara para sexta feira, día 24, unha mobilización  desde as fiestras e os balcóns na que reivindicar unha saída sustentábel da​ crise sanitaria derivada da COVID-19. Para completar esta acción, a plataforma organiza cada día palestras telemáticas, que esta tarde (18 horas) falarán de educación ambiental con Xulio Carmona, da Ecoloxistas en Acción.  

A asociación ecoloxista Adega pon a disposición da comunidade educativa unha selección de recursos didácticos elaborados pola organización, útiles, tanto para docentes como para o alumnado e tamén para familias, para orientar a formación en cuestión ambientais desde o fogar durante o período de corentena.

Fronte á "temporalidade" do coronavirus, a ONU alerta no Informe sobre o Estado do Clima Mundial en 2019de que a crise climática "é moito peor" e require "de acción continua".

Medir para avaliarse e poderpoder actuar. O Concello de Pontevedra pon en marcha un observatorio para coñecer de forma sistematizada cal é a incidencia do modelo urbano que impulsa o Goberno local sobre o medio ambiente, a través de indicadores como as augas, a atmosfera, os residuos, a mobilidade e o territorio.

O aumento das temperaturas, secas máis prolongadas e o incremento das pragas son consecuencias do cambio climático que afectan directamente á saúde dos bosques á xestión da masa forestal. 

O Parlamento europeo foi a primeira Cámara en declarar a  situación de emerxencia ambiental en todo un continente. Fíxoo en novembro de 2019, ás portas da realización en Madrid do cumio sobre o clima convocado polas Nacións Unidas en decembro. Onte, terza feira 20 de xaneiro, foi o Consello de Ministras e Ministros español quen acordou declarar tamén a emerxencia climática e ambiental no Estado, comprometéndose a pór en marcha durante os primeiros cen días de Goberno cinco medidas prioritarias de combate contra o quecemento global. 
 

Unha boa representación das 80 organizacións e colectivos que conforman o Movemento Galego polo Clima xuntouse este sábado na Casa do Matadoiro de Compostela para perfilar as liñas de accións e retos deste 2020 cunha cita, aínda indefinida, no horizonte: a convocatoria das eleccións á Xunta. 

O agro galego abandona 2019 en mala situación e as perspectivas de cara ao 2020 non semellan boas. Abandono de explotacións e falta de planificación da Xunta son algúns dos problemas. Falamos coa Federación Rural Galega e o Sindicato Labrego Galego para sabermos como foi o ano que remata e augurar como será o vindeiro.

O IV Foro Labrego de Agroecoloxía analiza a relación entre agricultura e cambio climático ademais de observar as respostas que os poderes públicos e as propias labregas están a deseñar e a poñer en práctica.

Feixoo rodéase de deputadas e deputados, directores xerais e concelleiras dos gobernos municipais do partido na posta de largo do plan da Xunta para loitar contra o cambio climático e vincula o futuro das pensións das galegas e galegos a un monte produtivo: "o noso plan de pensións", di o presidente diante de Ence e con escasa presenza de expertos no quecemento global.

O debate sobre o futuro do planeta chegou por fin ás axendas dos partidos políticos da Galiza. Sucédense as proclamas e os discursos cargados de boas intencións, pero a práctica política ten seus límites. Ecoloxistas e sindicatos agrarios temen que os propósitos de cambio fiquen nos papeis da campaña electoral e despois, a nova sensibilidade que pareceu espertar coa mobilización social dos últimos meses, desapareza outra vez na práctica institucional. Mentres, o problema, o quecemento global, agrávase. “Esperemos que esta nova conciencia dos partidos non chegue tarde… e que sexa real”. Os prazos, acúrtanse. O panel internacional de expertas alerta de que quedan 11 anos para que as condicións muden de forma dramática para amplas capas da poboación. Eis un estrato da peza publicada no número 367 do semanario en papel Sermos Galiza.

Feixoo solicita unha mesa técnica coas diferentes partes e insiste en dirixir a responsabilidade cara ao Goberno español  

A central térmica reactivou un dos catro grupos do complexo para probar combustíbeis alternativos ao carbón.

O Movemento Galego polo Clima, seguindo a causa de Fridays for Future, convocara para a sexta feira mobilizacións en distintos puntos de Galiza para alertar sobre a emerxencia climática. Foron milleiros as persoas que acudiron á chamada.

O ciclo Pensarmos, coordinado pola profesora Carme Adán para o Consello da Cultura Galega, retoma o seu discorrer despois do verán. E faino cunha conferencia sobre os retos morais da humanidade ante o cambio climático. Ofreceraa Carmen Velayos, docente de filosofía moral e política na Universidade de Salamanca, esta quinta feira, 26 de setembro, na sede compostelá da institución ás seis da tarde.

Asociacións e movementos ecoloxistas como ADEGA, Verdegaia, Greenpeace, Ecoloxistas en Acción, Fridays for Future, Extinction Rebellion e Masa Crítica traballan no borrador dun documento que resume as súas propostas contra o cambio climático e que será un dos elementos das reivindicacións da folga climática mundial do próximo día 27.

Adega presenta esta terza feira en Compostela a duodécima edición da xornada de Limpeza Simultánea dos Ríos, unha actividade de concienciación social realizada por persoas voluntarias que, de paso, serve cada ano para apañar uns cantos quilos de residuos e retiralos. Tamén ofrecerá as conclusións do último informe sobre a saúde dos ríos galegos.