A cinco meses de que se desenvolva a oitava edición de Culturgal, a Feira das Industrias Culturais, a metade do espazo xa está reservado. O escaparate a cultura centra esta nova edición nas palabras cun lema gabancioso: “Presume de Culturgal”.
No centro da súa “Tribo”, na Casa Museo de Outeiro de Rei conmemórase por vez primeira a Manuel María desde que a Academia decidiu dedicarlle as Letras Galegas do 2016. A cultura de base xúntase este sábado día 11 de xullo no II Convivio da Cultura Galega no que as asociacións decidirán algunhas iniciativas para o vindeiro ano.
Se hai un espazo que deberá ser referente o vindeiro ano arredor da conmemoración do Día das Letras Galegas é a Casa Museo de Manuel María, en Outeiro de Rei, sede da fundación que leva o nome do autor. O secretario, Alberte Ansede, fálanos de como desde a entidade que vela pola obra e a figura do escritor se recibiu e se proxectará a conmemoración. Entre os obxectivos, disponibilizar a súa obra, da que só unha parte mínima se atopa en librarías.
Ruxe Ruxe, Sokram, Familia Caamagno, Superoito, Caxade, Carapaus, Habelas Hainas, Maianas, O Mago Antón e Ibuprofeno teatro actuarán no Festigal 2015 que terá lugar os días 24 e 25 en Compostela, no marco do Día da Patria.
A TVG emite este domingo o capítulo final da primeira tempada de“Hospital Real”, baseada na historia do edificio que alberga o Hostal dos Reis Católicos. A actriz Sonia Castelo forma parte do amplo elenco desta serie que ofrece unha historia do século XVIII rodada en escenarios como o Pazo do Faramello ou o convento de Herbón. Defende que a serie aporta á TVG, ademais de entretemento e intriga, valores patrimoniais, culturais e históricos.
Mariña Patrimonio, Pensamento e Semeteira, e Adega lamentan que a ausencia de protección para un lugar arqueolóxico tan importante “é un reclamo” para os ladróns do patrimonio.
Nelly (Nina Hoss) consigue saír con vida dun campo de concentración nazi tras rematar a II Guerra Mundial. Volve co rostro totalmente desfigurado por mor dun disparo así que, coa axuda da súa amiga Lene (Nina Kunzandorf), pide a un eminente cirurxián que llelo reconstrúa para que sexa o máis parecido a como era antes e así buscar a Johnny (Ronald Zehrfeld), o seu marido pianista, coa esperanza de comezar xuntos de novo.
Arredor do documental “Por que non cantades todas” dirixido por Diana Toucedo artéllase a segunda sesión do ciclo documental “A nosa Terra, a Nosa Cultura” que se desenvolve no Museo Provincial de Lugo. As mulleres e a música tradicional son as protagonistas.
Un ano despois de que se desenvolvera con boa acollida o primeiro Convivio da Cultura Galega, as tres entidades organizadoras, Fundación Manuel María, a Federación Galiza Cultura e a Asociación Cultural e Musical Solfa preparan a segunda edición do encontro do asociacionismo cultural para o día 11 de xullo.
No A Fondo desta semana (xa na nosa loxa), analizamos os mitos, as voces á marxe e os conflitos ausentes no relato da "cultura da autonomía" construído ao longo destas tres décadas.
O escritor e presidente da Asociación de Escritores e Escritoras en Lingua Galega (AELG) ofrécenos un amplo ensaio no que reflexiona sobre o papel da educación e a cultura na guerra do Vietnam.
Entrevistamos o autor de ‘Dos arquivos xeométricos. Razón e realidade no pensamento de Rafael Dieste’ (Axóuxere) , obra que convida a deitar unha mirada nova, orixinal e necesaria sobre un escritor que, como afirma o propio Díaz, “era un pensador de primeira liña”, algo que facía mirando “desde as marxes”.
Un matrimonio en crise viaxa a Escocia con motivo do 75 aniversario do avó. Como está gravemente enfermo tratan de ocultar a súa difícil situación para que non lle afecte á saúde, pero non lles vai ser nada doado manter o segredo por mor dos seus tres falangueiros fillos.
Perto dun cento de barcos xa están inscritos para tomar parte no XII Encontro de embarcacións tradicionais de Galiza que acollerá Cabo de Cruz do 9 ao 12 de xullo.
O programa “Cultura sobre Rodas” levará cine e monicreques a prazas e aldeas de 25 concellos da provincia de Lugo. A Vicepresidencia da Deputación aposta por “potenciar o tecido asociativo” con esta iniciativa.
Os Vingadores reúnense unha vez máis para contrarrestar a ameaza que nace do bastón de mando de Loki con forma dun todopoderoso androide de nome Ultrón. Baixo a responsabilidade de Bruce Banner e Tony Stark, e en contra de toda a equipa, deciden concluír un perigoso proxecto que pode acabar coa ameaza.
“Con el objetivo de potenciar y promover el uso del gallego en el juego...” así comeza o correo de envío masivo remitido pola Concellaría de Cultura do Concello da Coruña para convidar á veciñanza á Festa das Letras Galegas, o vindeiro 17 de maio.
Que unha banda leve 20 anos enriba dos escenarios, non é algo raro, pero que o fagan con tódolos seus membros orixinais e sendo fieis aos seus principios si que o é.
O presidente da RAG critica Sermos Galiza, meio ao que se refere como "unha publicación periódica galega", por revelar que tres poemas inicialmente atribuídos a Noriega Varela eran realmente da autoría de Filgueira Valverde.
