De Ninghures

Aldara, Hadrián, Kataki, Manu, Marta, Méndez e Tomé son os sete mozos e mozas que conforman o grupo De Ninghures. Aínda que, malia todo, seguen sendo, como recolle o seu primeiro disco, 'de Aquí'. Así, cos pés arraigados na terra continúan experimentando entre sons electrónicos e de culturas afastadas no espazo para volver interpretar a propia tradición. Todo isto nun ano cheo de alegrías no que o premio aRi(t)mar á mellor canción da Galiza semella só o comezo da súa viaxe pola xeografía galega.

Mondra, Rebeliom do inframundo, PAVA-Lucía Aldao, Donicelas, DJ Misa, Filloas e De Ninghures compoñen a oferta dun Festigal que terá lugar o 24 e o 25 de xullo no Campus Vida da Universidade de Santiago de Compostela (USC) e que estará acompañado, como en cada edición, dunha ampla programación de actividades culturais, palestras, artesanía e obradoiros.

Novo récord de participación no certame.

Tanxugueiras esgota 10.000 entradas no Coliseum da Coruña. Fillas de Cassandra enche a Sala Capitol en Compostela na presentación do seu disco “ Acrópole ”, ao igual que Mondra co seu LP Ardén. A Sala Malatesta en Compsotela quedou pequena na benvida de De Ninghures. Caamaño & Ameixeiras fan soar as coplas tradicionais galegas internacionalmente. O éxito da música galega na actualidade.