Día da Patria Galega

A cidade de Compostela acollerá a maioría dos actos centrais do Día da Patria Galega. A manifestación nacional do BNG partirá como cada ano desde a Alameda compostelá até a Quintana. En Marea, Anova, Causa Galiza, Agora Galiza e Compromiso tamén escollen Santiago para reivindicar o 25 de Xullo. Fóra da capital transcorrerán os actos do PP en Lalín, PSdeG en Rianxo, Podemos en Marín e Esquerda Unida en Mugardos.

Compostela acolleu a mobilización xuvenil convocada pola rede de asembleas locais aglutinadas baixo a denominación Mocidade pola Independencia. Centos de mozas e mozos marcharon polas rúas da capital con consignas a prol da liberación nacional da Galiza.

Centos de mozas e mozos acudiron aos actos que Galiza Nova organizou este 24 de xullo en Compostela. Na anual homenaxe a Rosalía e Castelao e na posterior ruada da mocidade pola Independencia a organización xuvenil nacionalista animou a xuventude a implicarse politicamente para deixar atrás a precariedade e a dependencia e erguer unha Galiza con futuro.

Alberto Núñez Feixoo sinala que o Partido Popular está a deseñar unha ruta cara a unha Galiza “familiar, verde e innovadora”. O presidente da Xunta participou con estas palabras no acto que o PP realizou con motivo do 25 de xullo e que tivo lugar aos pés da estatua en Lalín de Balbino, o personaxe de Neira Vilas en Memorias dun Neno Labrego.

No día en que se fan 50 anos do nomeamento polo ditador Francisco Franco de Juan Carlos de Borbón como o seu sucesor á fronte da xefatura do Estado, a veciñanza da Coruña saíu á rúa ao berro de Galiza pola República e o dereito a decidir para denunciar a pervivencia do réxime nas estruturas do Estado.

O semanario en papel Sermos Galiza adianta a súa saída e, desde esta noitiña, estará dispoñíbel na loxa. Trátase dun número de 40 páxinas que abren cunha sección especial sobre o Día da Patria Galega.

Un BNG sen medo a voar e que, co horizonte posto en 2020, vai a por todas. Ese é o retrato que pinta da súa organización Ana Pontón nas vésperas do Día da Patria Galega. Consciente dos riscos que sempre se agachan tras a autocompracencia, a líder nacionalista procura non perder o sentido da realidade, mais si ve o Goberno Feixoo seriamente tocado, moi próximo ao seu epílogo. E canto ao papel que o BNG pode xogar na construción da alternativa, non se pon ningún teito.

O semanario Sermos Galiza sairá ás rúas esta cuarta feira, día 24 de xullo, en lugar da quinta, e farao con páxinas especiais sobre O Día da Patria Galega.

A portavoz nacional do BNG denuncia que o proceso de investidura de Pedro Sánchez amosou “dun xeito descarnado” que a Galiza “non conta nada” para PP, PSOE e Unidas Podemos. Ademais Ana Pontón reclamou máis medios contra a violencia machista e que non se pacte coa ultradereita que practica un discurso negacionista do machismo.

A Galería das Ideas desta edición acollerá os coloquios "Eixos para a construción nacional" e "Os mitos da colonización en Europa: o caso galego, vasco e catalán", nos que participarán representantes políticos e de diversos colectivos nacionais.

O BNG quece motores para o Día da Patria Galega. A portavoz nacional do Bloque, Ana Pontón, desde Lalín, apelou a “encher as rúas” para demostrar que “hai unha maioría social que quere cambio e quere construír esa outra Galiza posible, na que vivir e na que ter un traballo digno sen ter que coller as maletas”.

“Galiza pola República e o dereito a decidir” é o lema baixo o que se apresentou a convocatoria de mobilización para o vindeiro 23 de xullo na Coruña impulsada por diversas entidades sociais e políticas do campo do nacionalismo e a esquerda. A data coincide co cincuenta aniversario da designación polo ditador Franco de Juan Carlos de Borbón como o seu sucesor na xefatura do Estado.

A menos dunha semana para o Día da Patria Galega e a maioría das formacións políticas xa teñen perfilada a súa axenda de actos. Desde o PP anuncian que a vindeira terza feira 23 de xullo celebrarán o seu acto. Será en Lalín cunha ofrenda floral ante a escultura de Balbino, na rúa Memorias dun Neno Labrego, coa que pretenden homenaxear a Galiza rural.  

"Un novo impulso, PARA VENCER". Ese é o título do vídeo producido polo BNG para o Día da Patria Galega 2019. Nos créditos, a realización de José Arangude, e os textos e as voces de Hugo Guezeta (Son da Rúa) e Willow Ghz. Unha reivindicación das potencialidades do país a ritmo de rap. Félix Cebreiro, de Quela Records, foi o responsábel da gravación e da mestura nun vídeo que, como xa é tradición no BNG, ten un carácter eminentemente coral.

O partido En Marea é hoxe unha formación vocacionalmente verde. Así emerxeu do plenario do pasado sábado. E así vaise manifestar con clareza o Día da Patria Galega. "A contaminación e a corrupción van da man na política industrial do PP de Galiza", denunciou Luís Villares esta sexta feira. "Reivindicamos unha patria con futuro, unha patria verde", dixo.

Como cada véspera do Día da Patria Galega terá lugar no parque de Bonaval e máis no interior do Panteón de Galegos Ilustres a homenaxe a Rosalía de Castro e Daniel Castelao que Galiza Nova organiza. Ana Pontón, Claudia Quintela e Navia Rivas intervirán nun acto conducido polos youtubeiros Brais Doval e Miguel Silva. Tamén estará o grupo de rock en galego The Lelli Kellys.

Pola República Galega é o lema escollido para este ano. O acto central do Día da Patria Galega terá lugar no Parque de galreas, Compostela. O 23, en Vigo, unhas xornadas sumarán voCes galegas e portuguesas “para manter a vixencia e a urxencia do internacionalismo”.

A Coruña acolleu a tradicional homenaxe e ofrenda floral a Curros Enríquez que o BNG e Galiza Nova organizan desde hai 25 anos nos xardíns de Méndez Núñez, ao pé do monumento á súa memoria. Como todos os anos, o acto realízase nas xornadas previas ao Día da Patria Galega para popularizar esta data e a manifestación nacional que o Bloque convoca o 25 de xullo en Compostela.