diversidade

Co obxectivo de exixir á Xunta que garanta o persoal necesario para a atención á diversidade, unha plataforma de familias que se agrupan baixo o lema Dereitos, non parches convoca para esta cuarta feira unha concentración diante do edificio administrativo da Coruña. A convocatoria, prevista para as 11 horas, está aberta a familias, profesionais da educación e calquera persoa "que se sinta apelada pola necesidade de garantir a correcta atención á diversidade na educación", sinala a entidade convocante. 

O Afondo desta semana -suxerido polo noso público lector, na rúa a quinta feira 4 de xuño, na nosa loxa xa na noite da cuarta- reparará nas iniciativas e experiencias que en Galiza se tecen ao redor do binomio creatividade artística e diversidade funcional.

O BNG inicia unha loita institucional contra o que definen como “ofensiva discriminatoria do PP coas crianzas que sofren diversidade funcional”. Apoian así a denuncia dunha nai afectada pola política discriminatoria do concello da Coruña. 

A presentación do A Fondo 'A sexualidade feminina alén tabús' suscitou un interesante debate no Liceo ourensán promovido por Sermos Galiza.

Denúnciao a organización Down Galiza e alerta de que a lei española "botará por terra todos os avances que se fixeron nos últimos anos" non só en materia educativa senón tamén de integración social.