eleccións galegas 2012

Eleccions2012

Dous novos incumprimentos da lei elevan a nove as amoestacións da Xunta electoral ao PP

Redacción 08/out./12
Son xa nove as veces que a Xunta electoral se viu na obriga e amoestar ao PP por incumprimento da Lei electoral. Vén de estimar as denuncias do BNG e PSOE contra unha campaña da Deputación de Pontevedra e unha visita da conselleira de sanidade ao Hospital de Vigo.
acto Gn
Eleccions2012

BNG e Galiza Nova chaman mocidade a se revolver contra un PP que a condena a desemprego e emigración

X.M.P 08/out./12
Un grupo de moz@s, portando maletas, peregrinou en Compostela desde unha oficina de empego até a estación de tren para evidenciar as únicas opcións que Núñez Feijóo ofrece á mocidade: desemprego e mais emigración. A candidata do BNG, Ana Pontón, fixo un apelo á xuventude a empregar o voto o 21-O para reverter este escenario.
Eleccions2012

Perdede toda esperanza: a herdanza do mandato de Feijóo para a mocidade galega

X.M.P 08/out./12
A lexislatura popular á fronte da Xunta deixou unha especial pegada na mocidade, un sector da poboación que nestes tres anos e medio sufriu un incremento do desemprego do 13% para alén de volver ter na maleta a súa única opción laboral en moitos casos
Hugo Chávez celebra a vitoria desde o Balcón do Pobo de Miraflores
INTERNACIONAL

Hugo Chávez gaña as súas terceiras eleccións presidenciais con preto de 8 millóns de votos

Xabier P. Igrexas 08/out./12
O mandatario venezonalo, que concorría á reelección auspiciado polo Gran Polo Patriótico, superou en 10 puntos ao líder opositor, Henrique Capriles, quen xa recoñeceu a derrota e aceptou o resultado.
Unha das imaxes do sitio web Galicia Primeiro
Eleccions2012

Feijóo, atrapado polas redes

X.M.P 08/out./12
Páxinas como Feijóo 2012 ou Galicia Primeiro, por poñer dous exemplos, sacan a relucir as mentiras, contradicións e incumprimentos de Núñez Feijóo na súa presidencia da Xunta. Con milleiros de visitas, dinamizan as redes sociais cunha intensidade e alcance que crearon xa preocupación nas filas populares.
Eleccions2012

Jorquera a ‘Feijoy’: “O que está en perigo é Galiza se segue sometida ás políticas do PP, non a unidade do Estado español”

Xabier P. Igrexas 07/out./12
O candidato nacionalista retrucou desde Cangas ao presidente do goberno español quen advertira que a derrota do PP o 21-O suporía "poñer en risco a unidade de España". Jorquera demandou máis autogoberno para "rachar coas políticas antisociais ditadas desde Madrid" e volveu reclamar a Feijóo que faga públicos os "contratos pantasma" con Pemex.
Eleccions2012

Feijóo é apupado no Grove por afectad@s das preferentes e visitantes á Festa do Marisco

X.M.P 07/out./12
O candidato do PP tivo un paseo pola vila arousá marcado polos apupos e recriminacións de ducias de afectad@s polo calote. A protesta mesmo lle obrigou a acelerar a súa visita á Festa do Marisco desta localidade, converténdoa nun paseo fugaz
Eleccions2012

Cayo Lara chama o electorado galego a “non deixarse enganar pola propaganda do PP”

Xabier P. Igrexas 07/out./12
O coodenador xeral de Izquierda Unida participou nun mitin en Vigo para dar soporte á Alternativa Galega de Esquerda. Yolanda Díaz denunciou que “Feijóo destruíu 153.000 postos de traballo durante o seu mandato”. Este sábado noutro mitin de AGE, no concello de Teo, Beiras advertiu ao PP de que “non se pode traizoar o pobo sen consecuencias”.
Eleccions2012

CxG defende o pequeno comercio como garante de consumo responsábel e de calidade

X.M.P 07/out./12
O candidato de Compromiso por Galicia, Xoán Bascuas, avogou en Padrón polo pequeno comercio para fomentar o consumo e produción de alimentos locais, de calidade e sustánbeis nunha defensa do sector produtivo galego. En Porto do Son mantivo unha xuntanza aberta coa veciñanza
Eleccions2012

Pachi Vázquez busca sumar votos indecisos cun discurso que apela aos sentimentos

Redacción 07/out./12
Afirma Pachi Vázquez que teñen constancia de que os votos indecisos están a decantar polo PSdG-PSOE. Nun discurso con invocación ás persoas que padecen a crise, o candidato á presidencia da Xunta polo PSdG-PSOE presentou a súa proposta en Muros, coa presenza do escritor Suso de Toro, e mostrouse convencido en que despois do 21-O haberá un cambio de goberno.
Eleccions2012

BNG e PSOE instan a fiscalía a actuar contra Castelao Bragaña por facer “apoloxía da violencia machista”

Xabier P. Igrexas 07/out./12
Sucédense as reaccións perante as graves declaracións do ex-deputado do PPdeG, José Manuel Castelao Bragaña, en que afirmou que "as leis son como as mulleres, están para ser violadas". Tanto BNG como PSOE coinciden en exixir que a fiscalía actúe considerando que as palabras de Castelao Bragaña fan "apoloxía do terrorismo machista" e piden que Feijóo se posicione. O Partido Popular limitouse a aplaudir a demisión como presidente do Consello xeral da cidadanía española no exterior.
Eleccions2012

A campaña en 140 caracteres

Redacción 07/out./12
A ninguén se lle escapa que nunha campaña de 15 días compre poñer a andar todos os medios para presentarse diante da cidadanía. Candidatos e candidatas vense na obriga de moverse polas redes sociais e darse a coñecer a través de 140 caracteres.
Eleccions2012

O PSdeG súmase á demanda de solucións para Alcoa e o naval

X.M.P 07/out./12
Rubalcaba e Pachi Vázquez fixeron este sábado campaña en Viveiro e Ferrol, onde puxeron ao PSdeG como garantía fronte á destrución de emprego que representa, afirman, o PP no goberno
Francisco Jorquera en Ribadeo
Eleccions2012

Jorquera critica o silencio de Feijóo fronte á posibilidade de que Rajoy non actualice as pensións

Xabier P. Igrexas 07/out./12
O candidato do BNG acusou Mariano Rajoy de “insultar a intelixencia das galegas e dos galegos”. “A única Galiza que coñece é a da praza de touros fumando un puro” dixo Jorquera sobre o Presidente do Goberno central. O BNG fan un apelo á participación e a concentrar o voto o vindeiro 21-O para “asegurar a derrota do PP”
Afectad@s das preferentes protestando ás portas do mitin do PP en Pontevedra
Eleccions2012

A estafa das preferentes persegue ao Partido Popular tamén na campaña

Xabier P. Igrexas 07/out./12
Varias decenas de afectad@s concentraronse ás portas do mitin do PP en Pontevedra no que participaban Feijóo e Rajoy.
Eleccions2012

O BNG reclama un concerto económico para frear os recortes e evitar "a emigración dos nosos impostos”

Xabier P. Igrexas 06/out./12
A fronte nacionalista presentou en Vigo as súas propostas económicas nas que reivindican o carácter estratéxico do sector primario, apostan pola reindustrialización do país e defenden a necesidade dunha banca pública galega e a promoción do I+D+i
Eleccions2012

A Consellaría de Cultura dá 21.240 € a unha asociación do PP para conmemorar a misa de Rosalía

Redacción 06/out./12
Publicadas no DOG do 5 de outubro, co titular xa en funcións, a Consellaría de Cultura ven de outorgar mediante un convenio a cantidade de 21.240 € á Asociación Galicia Milenio, Foro de Pensamiento y Opinión para conmemorar os 80 anos da misa de Rosalía. Toda a súa directiva está vencellada ao PP.
Eleccions2012

A RAG rememora o 105 aniversario do primeiro mitin en galego

Redacción 06/out./12
“Mariñáns e montañeses, homes traballadores e honrados, saúde”. Así comeza o discurso que Manuel Lugrís Freire pronunciou o 6 de outubro de 1907 en Betanzos e que está considerado primeira intervención pública de carácter político en lingua galega. A RAG recupera na súa páxina web o texto, publicado en ANT, neste inicio de campaña.
Eleccions2012

CxG avoga por un novo modelo deportivo galego construído desde a base

X.M.P 06/out./12
Compromiso por Galicia realizou un encontro sectorial con representantes do deporte galego, aos que transmitiu a aposta desta formación por un novo modelo baseado nunha nova cultura deportiva
Alberto Núñez Feijóo
Eleccions2012

As bazas coas que Feijóo encara a súa campaña máis dura

Xabier P. Igrexas 06/out./12
Feijóo encara unha campaña difícil e a enfrontará poñendo toda a carne na grella. Todo indica que lle será moi difícil manter a maioría absoluta que acadou pola mínima, un deputado e con menos votos que a suma entre BNG e PSdeG, en 2009.