eleccións galegas 2012

Os 25.000 empregos para a mocidade que promete o PSdeG co seu Plan de emprego xuvenil, crearíanse a través de bolsas contrato con remuneracións por baixo do Salario Mínimo Interprofesional. O orzamento asignado ao Plan non permite que as contratacións cheguen a cinco meses de duración.

Jorquera reuniuse con representantes de todas as organizacións ecoloxistas que promoveron o denominado “Programa pola terra”. O candidato nacionalista contrapuxo as propostas da fronte nacionalista á política do PP “que, se tiver que escoller entre ambiente ou negocio, escolle negocio”.

Coas eleccións aos parlamentos galego, vasco e catalán no horizonte, os bispos reavivan unha instrucción pastoral de hai seis anos en que fan votos pola unidade do Estado español e contra os nacionalismos.

Xesús A. López Pintos pasou a noite na Comisaría e a primeira hora da mañá pasa a disposición xudicial. Máis de 300 traballadores do Naval protestaron no acto de incio de campaña do PP en Ferrol pola responsabilidade deste partido na situación do sector.

Este media noite pechabase unha conflitiva precampaña e abriuse o tempo en que as forzas políticas xa poden pedir o voto. Todas as candidaturas escolleron Compostela para os actos centrais, agás o PSdeG que optou por un acto dobre en Ourense e Vigo. Feijóo prometeu crecemento, Jorquera chamou a concentrar o voto para derrotar o PP e Pachi Vázquez apostou por un "goberno de progreso".

O líder do PSdeG desfaise en eloxios ao alcalde de Vigo, con quen mantivo agres enfrontamentos, e promete derrogar a Lei da Área Metropolitana durante un acto en que se gabou Caixanova.

Ducias de persoas realizaron un peche simbólico no hospital Xeral de Vigo. Carme Adán, candidata do BNG por Pontevedra, participou nel e fixo un chamamento á cidadanía a secundar a manifestación prevista para esta tarde.