En Marea

A consulta en curso axita as augas da confluencia galega. Desde os sectores críticos -a conta twitter @coidandounidade- acúsase a dirección de inflar o censo. Desde o aparato villarista avánzase que se as bases rexeitan a demisión de Quinteiro obterían a súa. Esta hipótese é moi pouco probábel, sendo que os segmentos partidarios da parlamentar de Podemos-Anticapitalistas defenden a abstención no referendo interno.

O manifesto ‘Coidando a unidade’ considera que “a activación dunha consulta ás bases por parte da Coordinadora de En Marea non é un procedemento estatutario aplicábel neste caso, carece de todas as garantías e só tensiona o espazo político común”.

O grupo parlamentario de En Marea solicita amparo á presidencia do Parlamento galego para que a Xunta entregue a carta que dirixiu á consultora KMPG para que esta “auditase” as antigas caixas de aforros.
 

As bases deberán responder á seguinte pregunta: "Consideras que Paula Quinteiro debe dimitir do seu cargo como deputada do Parlamento galego polo uso da súa acta de deputada para un asunto particular?".

A organización realizou este sábado a súa convención política municipal.

A nova parlamentar, de Podemos, prometeu o seu cargo esta terza feira, no comezo da sesión plenaria. En Marea perdera momentaneamente a condición de segunda forza a efeitos prácticos ao ingresar brevemente no Hórreo Xoán Hermida. O ex dirixente de Espazo Ecosocialista nunca chegou a asumir a condición plena de deputado.

Cando falas con el nunca esqueces que fundamentalmente é un home da cultura. El tampouco o esquece. En realidade, é un escritor na política ("o que vexo inspírame máis a escribir teatro que poesía", confesa). Procura sempre a palabra exacta e, aínda que ás veces suspende o fío da conversa para dar co vocábulo preciso, non por iso o seu discurso deixa de ser fluído. Nesta conversa falamos de orzamentos, da hipotética aterraxe de Feixóo en Madrid ("talvez haxa máis fotos con Marcial Dorado, talvez en mans de quen filtrou o vídeo de Cifuentes"), da situación interna de En Marea, de Paula Quinteiro, do relacionamento da confluencia co BNG...

O grupo de En Marea no Congreso dos Deputados considera que os Orzamentos Xerais do Estado “castigan Galiza” e, ademais, “están ancorados nun esquema de recortes”. Así o expuxo esta segunda feira nunha comparecencia de prensa en Compostela en que os cinco parlamentarios e parlamentarias presentaron “as 350 emendas” ás contas.
 

Xoán Hermida non será deputado de En Marea, nin sequera de maneira interina. Así o anunciou hoxe, segunda feira, nun comunicado despois de formalizar a súa renuncia na Mesa do Parlamento.

A ferida interna de En Marea agrándase. O seu máximo órgano de decisión, o Consello das Mareas, aprobou esta mañá unha consulta “ás bases” coa que pretende presionar á súa deputada Paula Quinteiro para que dimita. O resultado, porén, non será vinculante.
 

A interminábel crise interna de En Marea derivada da disputa polo escano de Paula Quinteiro é vista como unha oportunidade pola dereita. Alberto Núñez Feixóo non a deixa escapar e onte, durante un acto de entrega de carnés a afiliados do PP, tomou partido e cualificou Xoán Hermida de “deputado en diferido”.
 

O líder de Anova e viceportavoz de En Marea acusa Xoán Hermida de "utilizar a acta de deputado para cuestións internas".

Xoán Hermida xa é formalmente deputado de En Marea -rexistou esta mesma quinta feira a súa alta no grupo parlamentar que dirixe Luís Villares. En conferencia de imprensa realizada esta mañá en Pontevedra, cargou contra Paula Quinteiro polo seu comportamento durante o que cualificou como "incidente de gamberrismo nocturno". Dixo que a parlamentar de Podemos eticamente "non representa En Marea".

A manobra permitirá ao partido instrumental manter formalmente a condición de segunda forza parlamentar. Contodo, a xogada de Xoán Hermida ao non renunciar ao escano -aumentar a presión sobre Paula Quinteiro- non se viu coronada con éxito. A militante de Anticapitalista continúa no seu escano e En Marea perde a efeitos prácticos un deputado, após a demisión de Juan Merlo.

A sexta feira pasada, o Parlamento galego comunicoulle a Xoán Hermida que é deputado eleito, após se consumar a demisión de Juan Merlo. Hermida dispón dun prazo de tres plenos (o primeiro é o que está a decorrer esta semana) para adquirir a condición plena como parlamentar. Hermida anunciou na RG que nen renuncia á acta nen a asume. Mais ese limbo non ten soporte regulamentar. Legalmente a día de hoxe xa é deputado. Esta quinta feira ás 18.30 horas expira o prazo para se incorporar ao grupo de En Marea. De non o facer, sería adscrito automaticamente ao grupo mixto.

Nunha entrevista na Cadena Ser Galiza o portavoz de En Marea apela a solucionar este caso “con intelixencia política” e mantén que o óptimo sería que a deputada asumise “responsabilidades”.

Xa non é só o affaire Quinteiro. Está en cuestión o propio modelo de En Marea como partido instrumental, como organización de adscrición invididual e de ámbito nacional galego. Ese deseño non lle vale á actual dirección de Podemos na Galiza. Carmen Santos suxeriu esta segunda feira ir a unha coalición "como en Catalunya".