entrevista

Alcalde á fronte dunha coalición, “que funciona magnificamente como un Goberno unido”, Luís Pérez Barral (Ribeira, 1990) é o flamante novo alcalde dunha cidade que levaba máis de tres décadas baixo gobernos do Partido Popular.

Teresa Moure presenta a súa primeira publicación como guionista de banda deseñada, 'Zeca Afonso. Balada do Desterro' (A Central Folque), unha obra ilustrada por Maria João Worm, que recolle de maneira íntima a biografía do cantor portugués.

O 11 de setembro é o 50 aniversario do golpe militar en Chile e da morte do presidente Salvador Allende. Co gallo desta efeméride, Omar Contreras, ex preso político chileno na ditadura de Pinochet e exiliado en 1974, participa en actos de memoria na Galiza, mañá en Nigrán e o 11 en Oleiros. Nós Diario conversa con el.

Mon Devane, muralista, firma a imaxe do 28º Ourense Film Festival cunha figura que une a tradición da cidade co cine e vai máis aló do bidimensional, converténdose tamén no trofeo que se outorgará na competición das curtametraxes galegas.

Bea Saiáns, cineasta, é unha das fundadoras da produtora Cru, quen vén de rematar o crowdfunding iniciado para lanzar o seu próximo proxecto: 'Delirio Sketchs', definido como unha serie de humor camp e trash cargada de intensidade.

Mondra (Martín Mondragón) conquista os escenarios galegos cos seus temas, que beben directamente da música tradicional galega e que formarán parte do seu primeiro disco, 'Ardén', dispoñíbel en todas as plataformas a partir do 20 de setembro.

Lontreira é o nome dunha praia da Illa de Arousa, mais tamén a banda formada por Héctor Rodríguez, 'Rotce' (bases e teclado); Adriana Cores, 'Adri Coyote' (voz principal e encargada de recitar a parte poética); e Iván Barral (guitarra e coros) e que naceu precisamente nese territorio. Tras conquistar o certame Canción do Verán 2022 con "Corazón de Toxo", en menos dun ano lanzáronse a publicar o seu primeiro álbum, 'Apnea', que van levando a diversos destinos durante a temporada estival.

A Casa-Museo Manuel María en Outeiro de Rei (A Terra Chá) está de aniversario. Foi inaugurada o 7 de setembro de 2013 tras anos de duro traballo desde que xurdiu a idea de conservar e dar a coñecer todo o legado que deixou o escritor. Un dos principais artífices do proxecto foi Alberte Ansede Estraviz (Vilasantar, 1957). Amigo persoal da familia, é o actual presidente do Padroado da Fundación Manuel María de Estudos Galegos, cargo que ocupa desde o falecemento de Saleta Goi en 2022.

Alberto Ruiz de Samaniego, doutor en Filosofía e profesor de Estética e Teoría das Artes, é o comisario da exposición Juan Carlos Meana. O espazo entre as cousas (Museo de Pontevedra), nacida como “unha homenaxe a toda a súa carreira como artista, como docente e como mais como compañeiro”.

Raquel C. Pico (Compostela, 1984) é xornalista e escritora. Agora, despois de escribir moito en medios sobre a que tamén é a súa xeración, publica Millenials, unha xeración entre dúas crises (editado por Galaxia), onde analiza as consecuencias das recensións económicas, así como da pandemia. 

O Mago Teto presenta o seu novo espectáculo, 'Rock ‘N’ Magic'  

O Grupo Operativo Carne de Vacún a Pasto leva máis dun ano investigando a influencia do aproveitamento dos recursos propios nas explotacións gandeiras e a posibilidade de desenvolver prácticas sostíbeis aumentando os beneficios das granxas. 'Nós Diario' conversa co coordinador do grupo, Xan Pouliquen.

O caderno de verán Máis, que acompaña Nós Diario, achega desde hoxe ao sábado o relato inédito Brenda e o ventrílocuo que María Rei escribiu en exclusiva para este xornal. A través de cinco entregas narra a historia de Brenda, unha rapaza que medra nun contexto hostil afastado do que debería ser o fogar dunha nena. O relato convida a reflexionar sobre as escasas oportunidades que teñen as crianzas que crecen en contornas empobrecidas para ter unha calidade de vida digna.
 

Antón Sobral inaugura 'Ardentías, xerfas e silencio'

A banda Dios Ke Te Crew (DKTC) fai 20 anos. Celebrouno no último Festigal, no mesmo escenario e día que cando empezaron hai dúas décadas ao xuntarse para un concerto os membros de 5Talegos e Ghamberros. Pasaron moitas cousas no hip hop galego e mundial desde entón e, tamén, na traxectoria deste grupo, que sacou o ano pasado o seu quinto disco, En que ano estamos?!. Repasamos a andaina de DKTC con dous dos seus integrantes, Mou (Javier Mourón) e Sokram (Marcos Couso).

O último sábado de agosto está marcado no calendario como o día en que San Sadurniño se converte en capital do desenvolvemento local, por medio da xa consolidada Feira Rural que este ano chega á súa 14ª edición. Un evento deseñado co obxectivo de reivindicar o potencial produtivo e económico das zonas rurais desde a óptica da sustentabilidade. ‘Nós Diario’ conversa co alcalde de San Sadurniño, Secundino García (BNG), para tratar esta Feira e as posibilidades que abre.

Ana Belén Vázquez (Bande, Baixa Limia, 1975) é toda unha veterana no Congreso español. Cabeza de cartel dos populares ourensáns nos últimos comicios, explica a Nós Diario a súa visión sobre a situación política do Estado e enuncia as liñas centrais de traballo dos populares galegos para esta lexislatura.

Helena Miguélez, filóloga e unha das impulsoras do Espaço Clara Corbelhe, aborda a publicación do primeiro anuario desta revista así como o percorrido xeral do proxecto nos dous primeiros anos de vida

O ilustrador Primitivo Marcos foi o encargado de pór imaxes á obra O paso do Noroeste, publicada por Xavier Queipo no ano 1996 e que agora edita Galaxia en forma de banda deseñada. 

José Ramón Gómez Besteiro (Lugo, 1967) abre como deputado socialista no Congreso unha nova etapa na súa dilatada carreira política. Neste contexto, analiza para 'Nós Diario' a situación política do Estado, as perspectivas a medio prazo da súa formación e os obxectivos do PSdeG para a actual lexislatura.