Informes científicos sinalan que a pescada está en "niveis de rendemento máximo posíbel" polo que habería marxe para atopar unha solución para estes buques, alegan desde a oposición.
O acto reivindicativo, realizado esta cuarta feira perante a consellaría, en San Caetano, serviu como prólogo da greve xeral en contra da LOMCE fixada para o 24 de outubro.
Chegou, contou e trunfou. Carlos Blanco estivo de xira en Inglaterra e a súas actuacións en Londres poderíanse resumir como dúas horas de humor a cachón e gargallada continua. Arredor de trescentos galegos e galegas emigrantes na cidade gozaron dunha última noite de retranca que el defende como "patrimonio da humanidade".
Chegou, contou e trunfou. Carlos Blanco estivo de xira en Inglaterra e a súas actuacións en Londres poderíanse resumir como dúas horas de humor a cachón e gargallada continua. Máis de cen galegos e galegas emigrantes na cidade gozaron dunha última noite de retranca que el defende como "patrimonio da humanidade".
Discurso nidiamente socialdemócrata de Méndez Romeu no seu debú parlamentario. O portavoz do PSdeG-PSOE acusou o PP de "aplastar" as clases traballadoras e "arruinar" as clases medias. Concluíu ofrecendo a "discusión de aquí ao mércores" de dous pactos: un sobre o emprego e outro sobre a permanencia de NGB "como entidade galega".
O portavoz de AGE puxo a énfase en que Galiza é unha nación e non un territorio como pensaría o PP. Beiras, que en todo momento se referiu ao presidente da Xunta como Núñez, ve o Estado español como un protectorado de Alemaña e defende un proceso de "creba restauradora da democracia" cos "cidadáns" como protagonistas. Beiras reivindicou o legado do nacionalismo e a esquerda, desde a UPG até o PCG.
A soberanía é que un país decida en función dos seus intereses, que outros non decidan por nós. Sen ela Galiza non ten futuro. Ese foi o eixo do discurso de Jorquera ante Feijóo. Antes de profundar no asunto soberanista, o portavoz do BNG invocara a pantasma de Marcial Dorado, non citado por Feijóo na súa alocución matutina. O dirixente nacionalista fixo un durísimo alegato contra a xestión do líder do PP galego: "Usa as vítimas de Angrois para tapar os seus fracasos".
Segregar os centros de Ferrol de Navantia e crear unha empresa pública galega é a estratexia que o BNG defende para o sector naval nunha situación que define como “límite tras anos de promesas incumpridas”
Traducir non é tarefa inocente, pois non só se trata de reescribir un texto, senón de interpretar unha realidade concreta nun contexto transcultural.
Traducir non é unha anécdota curiosa, senón unha proposta que nace dentro dun proxecto cultural (tamén político) determinado que se orgulla de internacionalizar unha parte desa súa identidade grafada.
Hoxe hai noventa anos, o 12 de outubro de 1923, que un grupo de mozos, estudantes da Universidade de Compostela, realizaron unha andaina desde Santiago de Compostela até a casa do Castro, parroquia de Ortoño, no concello de Ames da comarca da Maía, berce da familia paterna de Rosalía de Castro e onde pasara algún tempo de nena; con esta “peregrinación” simbólica e en homenaxe da escritora nacía o Seminario de Estudos Galegos.
O tratamento con palla para evitar as escorrentías afecta só ao 0,16% da superficie ardida en Carnota e a Xunta négalle á veciñanza axudas polas perdas e ao monte unha maior protección para o futuro. Son as conclusións que a Asociación Monte Pindo Parque Natural tira da actuación do goberno despois do incendio e da postura do PP no pleno no que se rexeitou unha vez máis a declaración.
Con Positivas e pola Porta XIII. Así entra en Portugal a nova poesía galega. Seis poetas participarán este sábado día 12 no acto literario que a editorial dirixida por Paco Macías organiza no centro cultural de Vila Nova de Cerveira.
Desagravio e homenaxe ás vítimas, condena da impunidade e derrogación da Lei de Aministía do 77 e protesta contra a apoloxía do franquismo. Son os tres eixos do acto que o próximo día 13 de outubro a Iniciativa Galega pola Memoria organiza en Montecubeiro, escenario dunha das masacres do 36.
O Parlamento europeo ratificou esta terza feira o protocolo pesqueiro entre a UE e Mauritania. O acordo deixa fóra do caladoiro a frota cefalopodeira galega de maneira definitiva.
Galiza conta con seis emisoras que manteñen unha programación con vontade non comercial de servizo á cidadanía.
A VI Limpeza Simultánea ' Móllate polos ríos' decorreu este ano en 37 concellos galegos, e participarán un total de. Tomaron parte na iniciativa 44 entidades (asociacións, comunidades de montes, colectivos ecoloxistas, delegacións de ADEGA, centros de ensino…) e tamén 7 concellos que organizan directamente esta actividade.
Día de resaca após o encontro con Anova, e logo das declaracións de Yolanda Díaz relativizando máis unha vez o conceito soberanía. Esta quinta feira, Vence pediulle a IU "que teña a prudencia de non darlle leccións ao BNG de como defender os intereses de Galiza".
Varias plataformas integran esta organización para pedir a anulación dos milleiros de expedientes sancionadores abertos por Facenda a aquel@s que cobran pensión do estranxeiro. "Imos defender os nosos dereitos e as nosas pensións porque non somos defraudadores".
Unha proposición non de lei que defenderá o grupo parlamentar do Bloque insta a analizar o papel que os medios de comunicación están a xogar á hora de achegar dados sobre este homicidio cuxa vítima é unha menor de 12 anos. A formación nacionalista quere instar á Xunta a analizar de maneira pormenorizada este caso na imprensa e facer cumprir os códigos deontolóxicos.
![Alberto Núñez Feijóo [M. Montero]](/asset/zoomcrop,768,432,center,center/media/nosdiario/images/2013/10/15/2013101513183983950.jpg)
