galego

Presenta no Parlamento unha reforma da Lei de Normalización Lingüística para protexer e pular polo idioma propio fronte a unha “dereita españolista” que quer manter o galego “como lingua de segunda”.

[ACTUALIZADA ÁS 20.50] O Tribunal Supremo vén de confirmar a sentenza do TSXG que en 2016 anulou varios artigos da ordenanza municipal que regulaba o uso da lingua galega tras unha denuncia de Galicia Bilingüe, integrada agora na entidade Hablamos Español.

A Universidade de Santiago transmite en español tres de cada catro horas de clase mentres que o galego representa só algo máis dunha hora de cada cinco. As titulacións de mestrado son as máis achegadas a un modelo bilingüe castelán-galego (61,54% e 36,30%, respectivamente), mentres que as titulacións de grao, as de maior peso docente  reducen o uso do galego ata 21,06%. Son dados do servizo de normalización lingüística da USC.

Chegan a unha consulta do seu médico de cabeceira do Sergas e este dilles “Non fales en galego, que o falas fatal”, “Nótase o teu acento de cidade” ou “Tes que pór acento paleto”. Non é brincadeira de ningún tipo, aconteceulle a unha veciña de Vigo de 29 anos que vén de solicitarlle ao Sergas o cambio de facultativo.

O estudo, publicado por "Nature Communications", foi elaborado polas universidades de Oxford e Santiago de Compostela e nel constátase tamén importantes diferenzas entre comunidades separadas por menos de 10 quilómetros. Apunta tamén que a poboación galega é a que máis carga de ADN africano ten no Estado español.

A Asemblea Republicana de Vigo, a Asociación Viguesa pola Memoria Histórica do 36 e a Asociación Memoria da Mariña de Mondoñedo adheríronse a unha iniciativa impulsada por outras perto de corenta entidade do Estado.

Fernand de Varennes, relator especial para as minorías da Oficina do Alto Comisionado da ONU, emitiu un informe preliminar no que recollía a discriminación lingüística en eidos como a xustiza, a administración pública ou o ensino. A Mesa pola Normalización Lingüística pide agora á Xunta de Galiza que se teña en conta. 

Ezetaerre son Garchu (Miguel), Pirola (Juan) e Petrowski (Pedro). Comezaron a súa andaina no 2016 nun acto de protesta contra a fusión das facultades de Comunicación Audiovisual (a súa carreira) e Socioloxía. Os tres viñan do movemento estudantil e desta unión xurdiron verbas combativas a modo de rap galego. Mais tres foron as palabras que sempre os acompañaron, xa convertidas en lema: dignidade, solidariedade e humildade. Acaban de publicar Pólvora e tormenta (2018), o seu segundo disco.

A central nacionalista denuncia, nun comunicado de imprensa, que a Consellaría de Educación continúa a demorar a publicación da orde de axudas a proxectos de fomento do galego por parte dos Equipos de Normalización Lingüística.

Un diario en papel en galego verá a luz a finais de 2019. O que naceu como un proxecto hai apenas un ano farase realidade ao lograrmos chegar ás 3.000 presubscricións, o obxectivo mínimo marcado para garantir a estabilidade financeira que permita afrontar os custos de edición do diario en papel e na internet. Unha cantidade que aspiramos a aumentar ao mantermos aberto o formulario de subscrición.

A Consellería demora máis un ano a publicación da orde de axudas  a proxectos de fomento do galego, o que lastra o labor dos Equipos de Normalización Lingüística.