ilustración

José Malvárez, autor e ilustrador, publica Incoloro: a profecía dos sangues (Xerais), unha banda deseñada dirixida ao público xuvenil e que se perfilou durante a súa formación na escola O Garaxe Hermético. Define esta obra como unha fantasía medieval con referencias e formas actuais que tamén ten a súa parte de crítica: “Hai tanta violencia que chega un momento que nos insensibilizamos, e está presente tanto na ficción como na vida real”.

Pepe Carreiro, ilustrador, é o encargado de pór as imaxes na biografía 'Francisco Fernández del Riego, o home que valía por mil' (Galaxia), cos textos de Antón Mascato. Carreiro aborda os pormenores do deseño tanto da súa figura como da época, "un mundo moi interesante politicamente, mais tamén creativamente", salienta.

Xoán Andrade, ilustrador, recolle a súa traxectoria nunha exposición, 'Pingas de humor crítico', que está aberta ao público até o 8 de marzo no Arquivo Municipal de Betanzos. Andrade aborda a súa evolución, tanto a nivel de ferramentas dixitais como no que respecta ao seu discurso, porque como el di, “o que interesa é tratar de mellorar un pouco a sociedade”. 

A Cidade da Cultura acolleu na segunda feira a inauguración da exposición María Antonia Dans, a maxia da cor, coa que a Dirección Xeral de Cultura da Xunta da Galiza conmemora o Día da Ilustración. A mostra, que pode verse na entrada da Biblioteca da Galiza até mediados de maio, reúne máis de 30 pezas entre libros, debuxos, prensa ou revistas, na súa meirande parte orixinais. 

Novas publicacións e actividades están contribuíndo a coñecer mellor a obra de María Antonia Dans, (Oza dos Ríos, 1922-Madrid, 1988), a artista homenaxeada este ano no Día da Ilustración. Entre as súas facetas creadoras máis descoñecidas está, precisamente, a de ilustradora de libros e xornais.

As bibliotecas galegas conmemorarán o Día da Ilustración 2023 cun amplo abano de actividades sobre o legado de María Antonia Dans, ilustradora homenaxeada este ano.

É unha iniciativa de MAOS Innovación Social coa colaboración de 'Nós Diario', no marco do Fondo de proxectos culturais Reino de Galiza da Deputación da Coruña.

Nuria Díaz comezou a súa traxectoria profesional como deseñadora gráfica mais desde 2012 dedícase á ilustración a tempo completo. Co seu estilo minimalista, toques de cor e certo ar naif, vén de ilustrar dúas láminas para o Cartafol de ilustracións do Reino de Galiza de MAOS Innovación Social. Nós Diario incluirá o sábado 17 de setembro unha cartilla para conseguir este cartafol de ilustracións. As lectoras e lectores poderán cubrila cos cinco cupóns que se distribuirán co xornal entre o 20 e o 24 de setembro e entregala no quiosco.

María Montes compaxina o seu traballo nunha clínica veterinaria coa ilustración, onde a figura feminina aparece de forma habitual como protagonista. Este protagonismo da muller tamén está presente no proxecto Cartafol de ilustracións do Reino da Galiza, para o que vén de colaborar con dúas obras.

Anxo Fariña, ilustrador e escritor de literatura infantil, fala da última entrega da súa serie máis coñecida, Os Megatoxos e o reto de internet. Con esta obra, Fariña trae de volta o grupo de amigos formado por personalidades moi dispares para falar de temas como o uso e abuso das redes sociais ou a privacidade, todo isto cargado de “referencias a filmes, libros e videoxogos actuais e tamén antigos como A historia interminábel, Os Goonies ou SuperMario”

A partir do día 1 de xuño, Nós Diario agasallará ao público lector con dezaoito textos literarios inéditos -relatos e poemas- dalgunhas das mellores firmas da nosa literatura e que teñen como fío común a presenza do noso xornal na actualidade da última década. O coleccionábel  conta cun aliciente a maiores do literario: os textos estarán ilustrados por diferentes artistas, en ocasión, pola mesma persoa que asina o texto
 

Concello e editorial Kalandraka activan outro ano máis o galardón que está dotado con 9.000 euros. O prazo de presentación dos traballos rematará o vindeiro 13 de maio.

IV edición das xornadas científicas da Deputación da Coruña.

No ano 2019, o ilustrador Paco Boluda botaba a andar unha obra autoeditada baixo o título de Kallaikos, centrada no mundo galaico. Desde entón, a obra tivo unha grande acollida e chegou a cidades como Río de Janeiro, Roma ou Lisboa.

A autora de 'Selva' sinala que o volume é apto para todos os públicos, pois cadaquén tirará as súas propias conclusións sobre esta obra escollida no certame organizado pola editorial e o Concello de Compostela. O libro é o segundo da historia do galardón que non inclúe palabras.

A autora catalá Marina Gibert é a gañadora do XIV Premio Internacional Compostela de Álbum Ilustrado, un certame organizado polo Departamento de Educación do Concello de Santiago de Compostela e pola editorial Kalandraka. Coa súa obra Selva, Gibert fíxose co galardón, que conta cunha dotación de 9.000 euros e que implica a publicación do libro nas cinco linguas peninsulares. Orixinaria de Girona e afincada en Lisboa, Gibert estudou na Escola de Arte e deseño La Llotja de Barcelona e ampliou a súa formación no Seminario de Ilustración do Centro de Arte e Comunicación Ar.Co da capital portuguesa. 

Rebeca Domínguez é unha ilustradora coñecida pola súa marca “Son un toxo e máis”. Os seus deseños, que xuntan ilustracións e trazos minimalistas con pequenos lemas en galego, pódense ver polas rúas, estampados en diferentes pezas de roupa como suadoiros ou camisetas. Rebeca leva desde pequena vencellada ao mundo da ilustración, aínda que nunca recibiu formación académica neste eido. Para ela, o seu obxectivo é duplo: desfrutar da súa paixón ao tempo que pon en valor o galego.

O ilustrador Pablo Prado sempre tivo claro que o seu era contar historias a través da imaxe. Nas librarías pódense atopar varias novelas gráficas coas súas bandas deseñadas: O derradeiro libro de Emma Olsen, con guión adaptado da novela de Berta Dávila; Os berros da motocicleta, con guión de Kiko Da Silva; O último festi, con Fernando Llor ou Nerea e o príncipe da sorte, con Miguel Rojo. En ilustración ten Versos de amor, con Manel Monteagudo. Actualmente reside en Madrid, aínda que esta entrevista levouse a cabo entre maletas e présas para voltar uns días á Ponteareas que o viu medrar.    
 

María Pérez é unha ilustradora galega que leva desde que ten seis anos dentro do mundo do debuxo e a pintura. As súas obras, que xogan co realismo e con certos elementos surrealistas, contan cunha gran técnica. O seu gusto pola natureza queda patente nas pezas que comparte coas súas seguidoras nas redes sociais. Tamén se ocupa de encargos que se lle poden facer a través das mesmas, cun resultado máis que satisfactorio. Ademais, a ilustradora tamén se dedica a confeccionar cadernos artesanais.  
 

Paula Pereira, ceramista e creadora da marca Cavalinho do Demo vén de lanzar unha nova peza, desta volta inspirada nos versos da poeta homenaxeada este 2021 co Día das Letras Galegas, Xela Arias. A placa, "Tigres coma cabalos", únese así a outras creacións de Cavalinho do Demo inspiradas en mulleres da literatura e da arte como Rosalía de Castro, Virginia Woolf, María Casares ou Frida Khalo.