independentismo

Sílvia C.S. aínda non declarou perante o xuiz. A policía española prendeuna esta segunda feira á última hora do serán, incomunicándoa de inmediato e afastándoa da súa crianza, un neno de oito meses aínda lactante. No comunicado emitido polo ministerio de Interior non se lle atribuía acción delitiva ningunha e nos rexistros domiciliarios practicados só atoparon folletos de propaganda e unha axenda. A súa parella, Júlio S.S., detido canda ela, pasará na quinta feira a disposición xudicial após serlle negado o habeas corpus

A policía española prendeu esta segunda feira a Sílvia C.S. e o seu compañeiro Júlio S.S., militantes independentistas que vinculan co denominado 'aparello de financiamento' de Resistencia Galega. Canda el@s levaron o seu fillo, aínda lactante, a quen mantiveron cinco horas sen se alimentar após o separar da súa nai. Seguen incomunicad@s e xa foron trasladados a Madrid.

A plataforma independentista Causa Galiza vén de facer pública unha resolución adoptada no seu primeiro Plenario nacional en que se recolle a súa posición perante as eleccións autonómicas do próximo 21-0, para as que non expresan apoio a ningunha candidatura mais tampouco chaman á abstención.

O sindicato nacionalista pide que o goberno central respete a lexislación internacional e española a respeito dos dereitos d@s pres@s independentistas

Após tres días incomunicados, esgotando as 72h que fixa a lei, pasaron esta cuarta a disposición xudicial e a Audiencia Nacional decretou o seu ingreso nos penais españois de Soto del Real e Alcalá Meco. Denunciaron torturas psicolóxicas e ameazas a si propios e ás familias

Foi enviado á prisión de Soto del Real, imputado polos delitos de integración en organización terrorista e tenza de explosivos. Os outros tres detidos aínda pasarán na cuarta a disposición xudicial

  Do punto de vista político, falar de Escocia hoxe en día equivale a falar do proceso independentista aberto polo nacionalista Scottish National Party (SNP), pois que constitúe a primeira ameaza seria e real á unidade territorial do Reino Unido, un dos Estados do occidente europeo que até hai pouco se pensaba inmutable no que se refire ás súas fronteiras.