Máis de 200 persoas volveron, máis un ano, a reunirse na véspera do Día da Patria en Compostela, para amosar a súa solidariedade cos e coas presas independentistas galegas. A cadea humana organizada por Ceivar partiu da Praza da Galiza pasadas as oito do serán para percorrer a Virxe da Cerca nunha longa ringleira e finalizar na Praza do 8 de Marzo. Un forte desplegue policial estivo en todo momento seguindo moi de perto a mobilización, aínda que sen caer en provocacións que noutros anos eran ben visíbeis.Quizás constribuise a iso a presenza de observadores de Esculca
Familiares d@s pres@s, amig@s, compañeir@s e solidari@s quixeron, por quinto ano consecutivo, ter presente aos e ás encarceradas ás portas dun 25 de xullo.
As fotos de Antom Santos, María Osorio, Teto Rodríguez, Eduardo Vigo, Santi Vigo, Telmo Varela e José M. Sánchez protagonizaron a lembranza, nunha mobilización na que foron constantes as palabras de orde pedindo a liberdade d@s independentistas:"Pres@s á rúa, a loita continúa", "Liberdade patriotas galeg@s" ou "@s pres@s agora, queremos vel@s fóra".
Esculca
Collid@s das mans, @s participantes na cadea humana desfilaron ao longo da rúa Virxe da Cerca, perante a curiosidade e o abraio d@s turistas que nestes días teñen tomada Compostela. Na mobilización tamén puido comprobarse a solidariedade para c@s pres@s de cidadás de Euskal Herria e da Bretaña.