Luís Villares

Nunha entrevista na Cadena Ser Galiza o portavoz de En Marea apela a solucionar este caso “con intelixencia política” e mantén que o óptimo sería que a deputada asumise “responsabilidades”.

O portavoz parlamentar, que compareceu con Manuel Lago para debullar os orzamentos, tivo que contestar até 10 perguntas sobre o affaire Quinteiro. En todas e cada unha das respostas foi polo mesmo rego, non hai novidades ao respeito e o motivo da comparecencia é a análise das contas do estado e as alternativas da confluencia. Por súa parte, nunha entrevista na RG, Antón Sánchez descartou implicitamente a consulta telemática proposta por Villares por considerar que o proceso revogatorio ten máis garantías.

A secretaria xeral de Podemos cargou duramente esta segunda feira contra Luís Villares. A alianza táctica que ambos dirixentes mantiveron durante destes meses sae moi tocada da crise Quinteiro. Santos cualificou de "insensatez" e "loucura" a proposta do portavoz de En Marea de consultar ás bases da confluencia a eventual demisión da parlamentar de Podemos-Anticapitalistas.

Defende que os estatutos da confluencia permiten consultar as persoas inscritas, una opción que non desbota “se non hai outra solución”. O portavoz de En Marea mantén que a deputada debería demitir, un paso que entende que tería que dar nesta mesma semana.

Orde da superioridade e o community manager do PPdeG retirou o chío sobre o meme dos Simpsons, após Sermos ter publicado unha noticia ao respeito.

O community manager de @ppdegalicia facturou esta terza feira un meme satírico -de pésimo gosto- sobre a situación en que fica Luís Villares após ser desautorizado polo grupo parlamentar de En Marea.

As e os deputados da confluencia están reunidos desde as 10 horas. A discusión atinxe non só a se debe demitir Quinteiro ou non, senón ao grao de asunción das decisións do Consello das Mareas por parte do grupo parlamentar.

Beiras volta a saír en apoio de Luís Villares, En declaracións á Radio Galega, afirmou textualmente: "Se eu fose Paula Quinteiro pediría desculpas, tamén á policía local, e logo demitiría. Pero é imposíbel que eu fose Paula Quinteiro, coa miña traxectoria, e facer o que ela fixo".

A dirección de En Marea agradece a parlamentar ter pedido desculpas esta cuarta feira perante a imprensa, mais considera que a participación de Quinteiro -militante de Podemos, da corrente Anticapitalistas- nun incidente coa policía local de Compostela exixe a depuración de responsabilidades políticas.

O portavoz de En Marea formulou no Parlamento a pregunta que o presidente se negara a contestar aos xornalistas. Tamén sen éxito. Núñez Feijóo cargou con dureza na sesión contra Ana Pontón (BNG) e Villares, que o instaban a atender as demandas das mobilizacións sociais.

As diferenzas no seo de En Marea non son de matiz. Atinxen a propia cerna do proxecto. O núcleo dirixente -por volta de Luís Villares- concibe En Marea como un partido nacional galego de afiliación individual. Podemos e Esquerda Unida, os parceiros de Anova con vínculos estatais, vena simplesmente como unha plataforma electoral.

O portavoz de En Marea, Luís Villares, apelou á unidade na rolda de imprensa en que fixo balanzo do plenario que desenvolveu o partido durante a xornada do sábado. Así, chamou a “non perder ningún esforzo” e a que “ninguén dos que impulsaron” En Marea fique “fóra do proxecto”.

“Non se pode loitar contra a casta se hai casta dentro”. Así de contundente respondeu Xosé Manuel Beiras aos medios en relación aos parlamentares de En Marea que renegan do partido instrumental. O veterano político aproveitou a súa asistencia ao plenario da formación para amosar o seu apoio a Luís Villares.

O plenario deste 17M permitirá visualizar o grao de cohesión da confluencia -moi deteriorado após se producir a quebra entre o grupo de Villares e as direccións de Anova, EU e Podemos- e de compromiso dos seus distintos componentes coa marcha e cos debates da organización.

Nova achega ás múltiples caracterizacións do país. Que somos, de onde vimos, cara onde imos? Desta volta é a quenda de Luís Villares, o líder de En Marea. Que é Galiza? "Galiza é un estado de ánimo conformado por unha comunidade humana que ten un proxecto de convivencia". Unha definición que evoca o axioma de Jorge Valdano, unha equipa é un estado de ánimo. Villares propuxo esta cuarta feira elevar o gasto público da Xunta até chegar "ao máximo legal".

Non teme un "contaxio". "En Marea é un valor político ao alza", afirmou Luís Villares nunha entrevista este domingo na SER. Estanlle a mover a cadeira como líder da confluencia en Galiza?, perguntoulle a xornalista Aida Pena. "A cadeira está ben afincada", respondeu.

O presidente aproveitou a sesión de control no Parlamento para afirmar en reiteradas ocasións que fica en Galiza e non medita dar o ‘salto’ a Madrid. Reiterouno perante Ana Pontón (BNG) e Luís Villares (En Marea), que lle reprochaban estar máis pendente de suceder a Rajoy que de resolver os problemas dos galegos e galegas.