As políticas criminalizadoras do PP poden poñer en perigo a mobilización anual do Día das Letras. Así se manifestaron os representantes de Queremos Galego nunha rolda de prensa na que informaron da confirmación da sanción imposta polo Goberno español. “O PP non quere que saiamos en defensa do galego, mais non nos van calar”, dixo Carlos Callón.
A Plataforma Galega polo dereito ao aborto non parará para conseguir que o anteproxecto de lei presentado polo ministro Gallardón non sexa definitivamente aprobado. Inicia distintas mobilizacións que terán o punto forte nunha manifestación central en marzo en Compostela.
O próximo sábado día 21 de decembro conmemorarase por cuarta edición o día de Urbano Lugrís mais desta volta será unha festa grande porque se celebra tamén o reencontro da cidade cun novo mural do artista, “Visión da Coruña, 1830” pintado nunha parede de Madrid.
A poboación galega está chamada esta terza feira a participar en trece mobilizacións en apoio ás mesmas reivindicacións que conduciron ao persoal da sanidade pública a dous días de folga contra a privatización e o deterioro dos servizos. Os sindicatos convocantes CIG, CCOO, CESM e O´Mega estimaron no 80% o seguimento da folga.
O ERE deixa na rúa a 101 d@s 115 operari@s da cuarta pesqueira do Estado español. O comité de empresa cualifica de “nulo” o expediente e pedirá a nulidade dos despedimentos.
A medida podería ser aprobada esta sexta feira en Consello de Ministr@s. Prevé até 600.000 euros de multa por faltas "moi graves" e autoriza a policía mesmo a crear espazos libres de reunións para alén de impedir concentracións ou manifestacións non autorizadas. Aliás, considera sancionábel os insultos á forzas de seguridade españolas.
A Plataforma 2018, constituída por 32 colectivos sociais, ambientais e políticos, acusa á Xunta de regalar 3 anos máis á pasteira en Pontevedra coa finalidade de darlle unha nova prórroga de 75 anos.
Polo menos oito dirixentes da formación conservadora fixeron parte dun protesto que fora convocado contra si propi@s e a decisión de acatar a sentenza de Estrasburgo que derroga a aplicación retroactiva da doutrina Parot. Na manifestación recibiron apupos por "traidores" e "pouco patriotas".
A Plataforma galega en defensa do ensino público cifra o seguimento da folga nun 90% e considera que a xornada de loita supuxo "un 'non' rotundo contra a LOMCE". As 14 manifestacións convocadas pola plataforma galega foron, na Galiza, as máis multitudinarias deste 24 de Outubro. Xa no serán, miles de persoas voltaron a saír ás rúas, desta volta chamadas pola plataforma en que se organizan os sindicatos de ámbito estatal.
A Plataforma galega en defensa do ensino públicou anunciou "as mobilizacións máis multitudinarias que se teñen realizado neste ámbito" e advertiu de que "a política de recortes é a política de anulación dun dereito": o dereito a un ensino público, gratuíto, laico, non-sexista, de calidade e na nosa lingua.
A CIG bótase a andar polo emprego e segunda feira día 14 de outubro iniciarase en Ferrol a primeira das vinte marchas comarcais que desembocarán na manifestación nacional prevista para o día 19 en Compostela.
O TSXG desestimou o recurso formulado polo goberno local contra o auto ditado polo xulgado do Contencioso Administrativo número 1, polo que se autorizaba á CIG ao uso de megafonía e colocación de pancartas para o 1º de Maio. O tribunal imponlle ademais ao concello 1.000 euros polas costas xudiciais.
Organizacións internacionais e coñecidos nomes da lingua, a música, o cinema, a literatura ou do movemento asociativo galego amosaron o seu apoio á manifestación do 15-S convocada polo BNG baixo o lema 'Por unha Patria soberana'
![Ence-Elnosa en Lourizán [PontevedraViva]](/asset/zoomcrop,768,432,center,center/media/nosdiario/images/2013/10/31/201310311153033908.jpg)
![[Imaxe: CIG-Avantarvideos]](/asset/zoomcrop,768,432,center,center/media/nosdiario/images/2013/10/24/2013102416190054438.jpg)
