O incendio forestal activo na localidade de Arbo (A Paradanta) que obrigou a activar a situación 2 de alerta por proximidade do fogo a un núcleo de vivendas da parroquia das Searas xa leva arrasadas 50 hectáreas. Un novo fogo afectou unha vivenda en Tui.
Un incendio forestal activo na localidade de Arbo (A Paradanta) obrigou a activar a situación 2 de alerta por proximidade do lume a un núcleo de vivendas da parroquia das Searas. Os equipos de extinción tamén traballan nun incendio activo no municipio de Oímbra (Comarca de Verín).
O incendio que na tarde da cuarta feira se orixinou na parroquia de Barral (Castrelo de Miño) e que afectou tamén o municipio veciño de Cartelle queimou máis de 150 hectáreas e obrigou a mobilizar un amplo dispositivo no que non estaba a brigada municipal, ao non se constituír este ano por decisión do Concello.
A bancada popular rexeita a solicitude do BNG alegando que agora a "prioridade" é a extinción do fogo e que comparecerá unha vez rematada a tempada de alto risco de incendios, isto é, entre setembro e outubro.
Apropiga desmente "informacións que se ven nos medios" sobre as causas da vaga de lumes e loa o papel da veciñanza: "O pobo que loita por salvar ao pobo".
Pola contra, os sindicatos, as forzas políticas da oposición e o propio persoal das brigadas alerta da "falta de medios" sobre o terreo para combater os incendios.
As brigadas forestais seguen ser dar abasto nos labores de contención dos 14 incendios que seguen activos en diferentes concellos do país e que arrasaron xa milleiros de hectáreas. Espazos protexidos como os parques naturais do Invernadoiro e da Serra da Enciña da Lastra ven ameazada a súa enorme riqueza ambiental.
A Xunta evita informar sobre a superficie afectada dentro do parque; porén O Invernadoiro abrangue 5.722 hectáreas e neste incendio, orixinado na parroquia de Pradoalbar, queimáronse 5.200 hectáreas, polo que algúns bombeiros estiman que puido arder máis de 50% deste rico espazo natural.
A xestión dos incendios está a provocar fendas entre os Gobernos do PP dos concellos afectados e a Xunta da Galiza. As críticas céntranse na ausencia de medios para loitar contra o lume e na falla de coordinación dos operativos de extinción. Os argumentos do presidente galego, Alfonso Rueda, non convencen aos seus alcaldes.