28-M
Arzúa, Terra de Melide e Ordes: o Camiño e a gandaría, no centro
19/maio/23
As comarcas de Arzúa, Terra de Melide e Ordes suman 15 concellos cunha poboación de 63.774 habitantes. A de Ordes é a máis poboada, con 36.136 habitantes nos seus sete municipios. En Arzúa son catro localidades e 15.835 residentes e Terra de Melide outros catro concellos e 11.803 habitantes. Melide e Arzúa viven coa ollada posta no Camiño Francés. Os peregrinos e as peregrinas son a maior parte do ano (salvo de novembro a marzo) parte inseparábel das súas paisaxes urbanas e rurais. Os albergues, os servizos e a hostalería teñen medrado en ambas para atender a crecente demanda do Camiño.