mocidade

"Ás veces semella que se tes case trinta e tiras da axuda dos pais e non tes claras as cousas, tes que sentirte culpábel", explica Uxía Estévez. Cando os efectos da crise económica de 2008 comezaban a remitir a pandemia da COVID-19 deu pé a unha nova recesión con consecuencias aínda por determinar. Nós Diario conversa con mozos e mozas sobre os seus inicios laborais, marcados pola temporalidade, e sobre as perspectivas dunha xeración que de novo ve na emigración unha saída.

As Aveneiras, un dos grupos da escola de Tempo Libre Seteportas Altair, vén de presentar na rede un documental desenvolvido por elas, no que tratan a representación da muller na cultura de masas. Con este exemplo exploramos, da man das educadoras, o labor pedagóxico dun proxecto que camiña cara á consolidación.

Isabel Mociño é profesora e investigadora na Facultade de Ciencias da Educación da Universidade de Vigo no Campus de Ourense e forma parte de diversos grupos de investigación sobre Literatura Infantil e Xuvenil (LIX). Coordinou a obra LibroObxecto e Xénero. Estudos ao redor do libro infantil como artefacto, editado polo Servizo de Publicacións da Universidade de Vigo e que recompila artigos de diversas estudosas deste ámbito. Conversamos con ela sobre o estado do álbum ilustrado e sobre o estado da LIX na Galiza

Ilustración, a cara menos coñecida da Literatura Infantil e Xuvenil

O Pazo da Cultura acolle actividades do máis diverso até 27 de marzo

Un colectivo de mozas e mozos, mais aberto a todas as idades, promove a mobilización que na tardiña de onte levou á Alameda compostelá as voces de ducias de persoas contra o negocio das apostas. 

A mocidade de Valdeorras edita o fanzine Barullo para crear movemento cultural

O uso das redes sociais e doutras plataformas en liña está condicionando as formas de relación das rapazas e os rapaces galegos e ten incidencia, segundo  alertan as expertas, nas condutas e actitudes machistas que as e os menores incorporan ao seu día a día cada vez máis cedo e que poden acabar derivando en violencia.   

Claudia Ribera é estudante de Educación Social no campus de Ourense e integrante da plataforma ‘Vía Galega’. Conversa con Sermos Galiza sobre a última campaña do colectivo, ‘Non emigramos, expúlsanos’, que este sábado sairá á rúa en máis de 40 municipios da Galiza. A campaña pon o foco nas orixes da emigración: a precariedade, os traballos temporais ou a falta de expectativas laborais.

O SolporSon terá lugar no campo da festa de Biduído (Ames) este sábado 14 de decembro a partir das 17 horas, co obxectivo de promover a música en galego entre a mocidade da zona.

Hai uns días vía a luz nas redes a Nova antoloxía da música galega contemporánea, impulsada polo colectivo Galeguíza-T, un grupo de de estudantes do IES Neira Vilas de Oleiros. O coordinador do Equipo de Dinamización Lingüística do centro, Alberto Pombo, cóntanos como naceu este proxecto que está a revolucionar as redes.

O presidente da Xunta e líder dos populares na Galiza pide á mocidade que non se deixe «seducir polos cantos de serea nin dun extremo nin do outro».

A organización xuvenil desenvolve unha campaña de activación do voto máis novo para os comicios do vindeiro domingo en apoio o BNG.

O uso do preservativo diminuíu ao tempo que aumentaron as enfermidades de transmisión sexual. A raíz da súa experiencia, expertas en atención e educación sexual reclaman campañas propias de prevención dirixidas ás xeracións máis novas. A falta de investimento na materia nas últimas décadas deixa unha mocidade desamparada, sen información real adaptada ás súas necesidades e aos seus intereses sexuais.

A plataforma social en defensa dos dereitos nacionais de Galiza, Vía Galega, presentou esta segunda feira en Compostela a campaña Non emigramos, expúlsannos que pretende “servir de revulsivo” para que a sociedade galega “recoñeza o problema da emigración” e reclame solucións aos poderes públicos.

LGx15. Ideas para o futuro da lingua, evento organizado pola Coordinadora de Traballadoras/es de Normalización da Lingua (CTNL), chega á quinta edición con propostas sobre o uso do galego no cinema, na rede, no transmedia ou na música. Oito intervencións trasladarán, o vindeiro sábado 9 de novembro en Teo, experiencias de compromiso lingüístico en diferentes eidos, do cotiá á atención médica, procurando influír nas actitudes e alzar a conciencia lingüística.