música

Galiza e Portugal aterran na feira da raíz, a tradición e a cultura popular

Lugo celebra desde hoxe a súa semana grande de festas con máis de 200 actividades nas que se mestura tradición e modernidade. Neste San Froilán haberá concertos como os de The Rapants, Grande Amore ou Luar na Lubre, como eixo vertebrador de oito días de troula nos que haberá humor, teatro, actividades infantís...

Os nomes das persoas e das obras distinguidas déronse a coñecer esta segunda feira no Centro Internacional de Prensa da Galiza, en Santiago de Compostela, onde o director de Ari(t)mar, Gonzalo Constenla, confirmou que a gala na que participarán as artistas e poetas gañadoras terá lugar o 10 de outubro no Auditorio da Galiza.

Unha xornada arredor do baile tradicional e a súa transmisión.

"Estou viva", afirma Guadi Galego. Unha sentenza que a cantante declama e confirma no seu novo sinxelo, O.D.A., xa dispoñíbel nas principais plataformas dixitais. A música e compositora presenta o seu novo tema como toda unha declaración de intencións "sobre o concepto da madurez e a aceptación da vida, de valorar o vivido como propio e reivindicar o dereito a seguir experimentando". Todo, apunta Guadi Galego, "sen desmarcarnos nunca da nosa responsabilidade propia e colectiva" e sen esquecer que "a alegría segue dentro de nós". Esta é a primeira canción que lanza a artista desde a publicación do LP Roibén (2022) e conta coa produción de Iago Pico (Pouland Studios) e un videoclip dirixido por Inés Salvado.

Sagadrum, nome artístico de Gerardo Fernández, leva máis dunha década experimentando cos sons da batería electrónica, que agora libera a través dos 
seus concertos e dos seus temas en plataformas dixitais.

Habitando a morte desde a intimidade máis expansiva dunha canción que se creba por dentro. Iso é o que fan Caamaño&Ameixeiras en Ai de min, segundo e último sinxelo do que será 'Quitar o aire', o segundo álbum do dúo galego, que chega uns meses despois de presentar a "muiñeira sexy" A pequena morte. Neste caso, Sabela Caamaño e Antía Ameixeiras aluman a luz máis escura do seu cancioneiro cun canto á morte, un queixume desgarrador á ausencia final da persoa querida. E unha canción na que se dan a man a raíz do folclore galego máis ritual cun rexistro que as achega máis á canción alternativa de autor.

Após un ano de paro, Allariz volverá vibrar os días 6 e 7 de outubro co Festival Internacional de Poesía.

Hai 20 anos que Dakidarría comezaba a súa andaina no Val Miñor. Moitas cousas mudaron desde entón, mais o grupo continúa empregando as súas letras combativas para reivindicar desde a música. Todo isto nun ano marcado por unha celebración que vén en forma de documental e xira de aniversario. Unha oportunidade para recordar os inicios do grupo e reflexionar sobre os fitos nestes 20 anos de historia.

O Seminario Permanente de Jazz de Pontevedra afronta un novo curso após 22 anos de andaina e de marcar o inicio dun proceso de democratización do xénero na Galiza. Aspiraba cando naceu a ofrecer formación musical eminentemente práctica e colectiva ao alumnado, principios que hoxe continúan vixentes.

Após unha longa traxectoria incluíndo a formación de solfexo, piano, harmonía e composición, unha tese sobre música contemporánea, docencia nos conservatorios de Compostela, Vigo e Ourense e de estrear obras sinfónicas en prestixiosos escenarios internacionais, o vigués Eduardo Soutullo vén de recibir o Premio Nacional de Música, na modalidade de composición, primeiro galego que o logra. Os seus últimos fitos inclúen o premio Lawson-May (Reino Unido, 2020) por Qebui e o premio en memoria de Andrey Petrov (Rusia, 2022) por Threnus Helianthuses, que denuncia a invasión de Ucraína.

Nesta obra creada con intelixencia artificial, que conta coa aprobación expresa e recoñecemento da familia, Kiro alenta os galegos e galegas a defenderen unha nova Galiza contra o sometemento, o conformismo e a autocompracencia. A Coruña será o 4 de novembro a sede deste certame, o AI Song Contest.

A moda galega e a arquitectura tamén protagonizan este número do semanario.

A feira Músicas no Miño, MUMI, comezou esta quinta feira a súa cuarta edición amosando a diversidade das escenas actuais da Galiza e Portugal, salientando proxectos que experimentan utilizando a música tradicional como base, mais tamén outros que apostan na electrónica, o jazz, o pop ou as músicas urbanas.

No Día Internacional do Alzheimer, a banda de Bueu Skarnivals lanzou o videoclip do tema ‘Anhelos do ar’, cuxa letra fala desta enfermidade dexenerativa. Ademais, esta acción vén acompañada do lanzamento dunha camisola solidaria deste sinxelo.