Ourense

Na recta final da carreira electoral, 'Nós Diario' achega unha serie de entrevistas aos principais candidatos e candidatas ás alcaldías das cidades galegas para coñecer os seus programas e propostas de cara ao 28-M. Luís Seara é o candidato do BNG á Alcaldía de Ourense.

O PSdeG e o BNG volveron exixir esta segunda feira "a inmediata dimisión" do presidente da Deputación de Ourense e líder do PP neste territorio, Manuel Baltar, após coñecerse que o mesmo día en que foi interceptado en Zamora a 215 quilómetros por hora ao volante do coche oficial, o vehículo fora tamén multado por circular a 173 km/h pola mesma estrada (a autovía A-52) e aquel mesmo día, á altura de Allariz. O pasado día 11 de maio, o propio Baltar declaraba no xuízo rápido polo primeiro incidente despois de ter que aprazarse en até dúas ocasións. Finalmente declarou de maneira telemática ante a titular do Xulgado de Primeira Instancia e Instrución de Poboa de Seabra.

As comarcas de Ourense, O Carballiño e O Ribeiro comprenden 31 concellos con máis de 184.000 habitantes. 143.187 viven nos 12 concellos da comarca de Ourense, 26.222 nos nove da do Carballiño e 15.544 residen nos 10 municipios da comarca do Ribeiro. O sector agroalimentario (nomeadamente o vitivinícola), a industria auxiliar, o téxtil e a construción concentran, xunto cos servizos, a actividade industrial desta área. Ourense está ademais a desenvolver un turismo termal que xa deixa a súa pegada nas cifras económicas.

Recentemente a xuíza titular do Xulgado de Instrución nº 3, encargado de tramitar a denuncia, requeriu ao BNG á presentación dunha querela e o depósito dunha fianza de 2.000 euros en caso de querer continuar co procedemento xa que “ao non ser parte directamente afectada ten que ser a través deste mecanismo”.

O que fora rexedor da cidade das Burgas decidiu usar o español no día en que se celebra a lingua propia da Galiza, algo que suscitou múltiples críticas por parte de persoas usuarias de Twitter.

Josep Pérez Tomás está acusado de agredir sexualmente unha moza en Ourense cando visitou a cidade co seu equipo de entón, o MoraBanc Andorra, para enfrontarse ao COB.

O líder do PP, Alberto Núñez Feixoo, proseguirá esta semana a súa intensa axenda de campaña que o levará a visitar 17 localidades e 10 comunidades autónomas. No seu roteiro, que concluirá o domingo en València, inclúe actos en diferentes municipios da Galiza como Lugo, Pontevedra e Ferrol. Porén, non está previsto que finalmente se desprace até algún dos concellos da circunscrición de Ourense, evitando así ser fotografado canda o presidente da Deputación de Ourense e líder provincial do partido, José Manuel Baltar, envolto na polémica após ser xulgado por un delito contra a seguridade viaria.

Fronte ás denuncias interpostas por Xácome, atópanse as presentadas polo PP (a última, esta quinta feira), a do BNG, que se presentou perante a Fiscalía Xeral do Estado e que estaba pendente de tramitarse e a do PSOE, pola que xa se abriron dilixencias previas.

O alto tribunal aplica a Lei de 'só si é si' para mudar a pena inicial de 19 anos a 12 para un home condenado por abusar dos seus sobriños-netos, menores de idade no momento dos feitos.

O xuízo rápido contra o presidente da Deputación de Ourense por un delito contra a seguridade viaria volve suspenderse por segunda vez nunha semana.