Pedro Sánchez

O nome da deputada de Galicia en Común xa soaba para ministra no anterior intento de formar un Goberno no Estado

A intervención da deputada de EH Bildu, Mertxe Aizpurua, estivo interrompida desde o inicio polos partidos da dereita

A deputada canaria Ana Oramas anunciou que votará "non" pese a que o seu partido se decantara pola "abstención" 

O deputado do BNG no Congreso asegura que o pacto de investidura "non é un cheque en branco" aos socialistas

O deputado de Galicia en Común afirmou no Congreso que este Goberno de coalición "vai gobernar tamén na Galiza"

O deputado nacionalista Néstor Rego reclama o "recoñecemento" do carácter "plurinacional" do Estado por parte dos socialistas 

O candidato socialista apostou por "renovar" o Estado das Autonomías e "aclarar" competencias no seu discurso 

Os "compromisos concretos" para Galiza que lle reclamaba o BNG ao PSOE para votar a favor da investidura de Pedro Sánchez chegaron a menos de 24 horas do comezo do Pleno no Congreso coa activación das competencias pendentes do Estatuto, a transferencia con substanciosas bonificacións da autoestrada AP-9, a normalización do uso do galego na Administración de xustiza, o saneamento das rías e unha transición xusta na descarbonización. Ademais, haberá xulgados de violencia de xénero en Compostela, Lugo e Ourense e unha redución da factura enerxética das electrointensivas.

O deputado do BNG en Madrid, Néstor Rego, reclama "concrecións" ao PSOE para que conten co seu voto. A incerteza rodea a investidura do candidato socialista, Pedro Sánchez, a un día de que comecen as tres sesións de debate e votación convocadas no Congreso esta fin de semana.

Arranca a década coa inminente investidura de Pedro Sánchez. A falta dunha maioría absoluta favorábel ao líder do PSOE, previsibelmente será a segunda votación, en 7 de xaneiro, a que permita a Sánchez recuncar na presidencia e inaugurar o primeiro Goberno de coalición do Estado desde a II República española. 

‘Coalición Progresista. Un novo acordo para España’ leva por título o programa de Goberno que o PSOE e Unidas Podemos dan a coñecer na tarde desta segunda feira, 30 de decembro, ao pouco de reabrirse o camiño da investidura co informe da Avogacía do Estado que recoñece Oriol Junqueras como eurodeputado, o cal facilitar ao PSOE poder retomar as negociacións con ERC, e após o PNV ter asinado o seu acordo de investidura co Partido Socialista.
 

O líder do PSdeG, Gonzalo Caballero, acusou onte o Partido Popular de "perder o sentido de Estado" coa súa posición que "imposibilita unha investidura" do "partido gañador" nas pasadas eleccións xerais.

 

O presidente da Xunta, Alberto Núñez Feixoo, mantivo este martes unha conversa "cordial" co presidente en funcións e candidato á presidencia do Estado, Pedro Sánchez, na que trataron os asuntos considerados "urxentes" para Galiza entre os que a Xunta sitúa a incerteza coa que viven os traballadores e as traballadoras de Alcoa e os da central de Endesa nas Pontes, a chegada do AVE e a débeda do Estado coas Comunidades Autónomas. 

O candidato á presidencia do Goberno central, Pedro Sánchez, non quixo responder ás esixencias do líder de Esquerra Republicana, Oriol Junqueras, quen nunha entrevista nun medio estatal avisou que ERC votará non na investidura, de non haber unha mesa de negociación entre Goberno estatal e catalán. As condicións da formación republicana aséntanse en que nesa mesa bilateral se poida falar de todo, en referencia ao dereito de autodeterminación, e se formule un calendario e uns mecanismos que garantan o cumprimento dos posíbeis acordos. 
 

Os presidentes de Euskadi e Catalunya, Iñigo Urkullu e Quim Torra, serán os primeiros en reunirse con Pedro Sánchez na rolda de xuntanzas que este manterá cos e coas responsábeis dos Gobernos autonómicos.

Pedro Sánchez aceptou o encargo de apresentarse á sesión de investidura para lograr a presidencia do Estado. Así llo confirmou ao rei Filipe VI após este concluír as consultas coas forzas políticas con representación no Congreso que responderon afirmativamente á súa chamada. 
 

O soberanismo catalán ve Pedro Sánchez instalado na vía represiva e de producirse hoxe a investidura votarían en contra. Porén, Esquerra e PDeCat valoran o encontro que Torra e Sánchez mantiveron hai case un ano en Pedralbes como bo punto de partida para dialogar de cara á investidura. A CUP chama os partidos soberanistas a votaren ‘non’.

O Goberno do Estado segue no ar. Os resultados foron case calcados aos de abril, cun par de matices importantes: as forzas nacionalistas das nacións sen Estado saen reforzadas e a ultradereita de Vox ocupa o espazo de Ciudadanos.

Aumenta a preocupación no PSOE por como pode afectar nas urnas a resposta do Goberno central ao conflito catalán após a sentenza do procés. A dinámica ameazadora sobre o independentismo en que se instalou Pedro Sánchez comeza a confrontar con sectores que van alén do propio movemento soberanista. Desta volta son os colectivos e asociacións profesionais de fiscais quen lanzan as críticas ao presidente do Goberno por arrogarse competencias pertencentes ao poder xudicial.

O Goberno central está capacitado desde esta terza feira 5 de novembro para fechar páxinas web e redes sen orde xudicial e por motivos de orde pública.