Pedro Sánchez

O debate a 5 desta segunda feira nas televisións estatais foi unha posta en escena da reacción contra a rebelión catalá e un lavado de cara do discurso máis retrógrado que empeza a abrazar mesmo o PSOE, cun Pablo Iglesias demasiado preocupado por mendigar unha coalición de Goberno sen medir ben a deriva dos socialistas cos que pretende acordar.

Pedro Sánchez empregou a Moncloa como escenario dunha entrevista televisiva en que realizou declaracións electoralistas. E a ministra portavoz do Goberno, Isabel Celaá caeu no mesmo desde a sala de prensa do Consello de Ministros ao explicar os datos da EPA. Ambos os dous mandatarios expóñense ás sancións da Xunta Electoral Central.

O presidente do Goberno en funcións e candidato socialista á reelección mostrouse convencido, nun mitin celebrado no polideportivo San Francisco Xavier, de que o PSOE “gañará de novo”.

Gonzalo Caballero no seu primeiro debate como portavoz socialista no Parlamento acusou a Feixoo de manter un discurso “falaz e interesado”. Sinalou a corrupción do PP como o problema que "máis danou a saúde democrática en España” e defendeu o goberno de Sánchez en Madrid: "Aos galegos vainos ben cun goberno socialista en Madrid".

[Revista de prensa] Voces nacionalistas advirten do interese dos partidos que sosteñen o réxime en saír das novas eleccións con acordos de Estado para enfrontar o desafío catalán; mentres a maioría de medios centran a súa crítica na “irresponsabilidade” dos lideres.

Na segunda feira 23 de setembro disolveranse as Cortes e comezará un mes de pre-campaña na que a primeira disputa será por determinar quen tivo a culpa do fracaso dun goberno de esquerdas. "Os cidadáns dixeron ben claro en marzo e abril que querían un goberno progresista e agora terán que dicilo aínda máis claro en novembro", di Pedro Sánchez no seu primeiro discurso de pre-campaña desde Moncloa.

A voceira de Galicia en Común, Yolanda Díaz, trasladou na rolda de consultas ao Xefe do Estado a necesidade de conformar un Goberno de coalición e progreso que evite a repetición electoral.

O líder socialista di que “non hai obstáculos reais” e pídelles unha “abstención técnica”.

Os deputados no Congreso, Yolanda Díaz e Antón Gómez-Reino, así como o senador José Manuel Sande, lembran que na pasada lexislatura non se remataron os traballos polo adianto electoral. "Volvemos rexistrar a creación desta comisión para que se conclúa a investigación e se depuren responsabilidades", indicaron.

O último intento de Unidas Podemos para rescatar a posibilidade dun goberno de coalición no Estado e evitar a convocatoria de novas eleccións en novembro pasa por máis renuncias: unha coalición curta, apenas un ano, que permita aprobar uns orzamentos en Madrid. 

Pedro Sánchez, presidente do Goberno en funcións, ofreceu a Unidas Podemos participar na "gobernabilidade" do Estado dirixindo institucións e organismos fóra do Consello de Ministros. 

As 151 persoas inmigrantes resgatadas continúan sen rumo certo, co goberno italiano a negarlles acceso aos seus portos. Após as críticas do ministro de Fomento en funcións á ONG Open Arms, o seu fundador, Óscar Camps, evita entrar no corpo a corpo co Goberno Sánchez e opta por lle pedir que denuncie Italia perante o Tribunal Internacional do Dereito do Mar.

Esquerda Unida avoga nun comunicado feito público por evitar unha repetición das eleccións xerais e amósase a prol de que o grupo parlamentario do que forma parte, Unidas Podemos, acade un acordo programático co PSOE se a coalición non for posíbel. Aínda hai tempo de "poñer a cordura que se lle esixe á esquerda", afirman no comunicado.

Poucas horas despois de sufrir a súa segunda derrota nunha investidura (a primeira foi en 2016), Pedro Sánchez aproveitou unha entrevista para se desdicir do seu anuncio de que desta volta só o intentaría unha vez. O candidato socialista deixou claro que está disposto a volverse submeter a un debate parlamentar antes de que conclúa o fatídico prazo do 23 de setembro. En Tele5, Sánchez pediu a PP, Cs e Podemos "explorar outros camiños" para "desbloquear a situación".

Negociacións case até o último minuto e até durante a sesión plenaria, cun último anuncio sorpresa por parte de Pablo Iglesias desde a tribuna, o de que renunciaba ao Ministerio de Traballo en troca da cesión das competencias sobre políticas activas de emprego, cuxa xestión está transferida ás comunidades autónomas. O certo é que o segundo asalto da investidura de Sánchez foi falido porque o candidato do PSOE, como na terza feira, só obtivo os votos do seu partido e o da formación rexionalista cántabra (124). A súa derrota abre as portas a unhas novas eleccións, o 10 de novembro. Mais hai de prazo até o 23 de setembro para PSOE e Podemos alcanzaren finalmente un acordo.

 

 

 

Escasas horas após Pedro Sánchez fracasar na primeira votación de investidura no Congreso, o PSOE púxose en contacto con Unidas Podemos para volver reunirse “en canto poidan” para retomar as negociacións de cara á nova sesión de investidura desta quinta feira.

A principal incógnita desta terza feira non pivotaba arredor de se Pedro Sánchez obtería na primeira votación a súa investidura. Estaba fóra do seu alcance, sendo que se requería unha maioría absoluta dos votos. A dúbida era o que faría Unidas Podemos. Finalmente, a formación liderada por Pablo Iglesias optou por se abster para non torpedear as negociacións en curso. Esta terza feira, Sánchez só obtivo 124 votos a favor, os 123 do PSOE e o apoio do Partido Regionalista de Cantabria.

O debate de investidura entre Unidas Podemos e Pedro Sánchez rematou cun bronco ton. Iglesias concluíu a súa intervención augurando ao presidente do goberno en funcións que, se continúa fechándose a facer un goberno de coalición proporcional aos votos obtidos por cada forza, ”vostede non será presidente de España nunca”.

De tanto viaxar á dereita, Cs acabou por se internar no territorio de Vox. Rivera lanzou esta tarde un durísimo discurso contra Sánchez, ao que acusou de ter "un plano e unha banda para liquidar España". Inasequíbel ao desalento, Sánchez finxiu non ter escoitado o ataque e formulou a mesma petición que lle dirixiu a Casado: que a quinta feira se absteña para viabilizar a investidura.