Pedro Sánchez

Cos equipos negociadores de PSOE e Unidas Podemos a intertrocar durante as últimas horas papeis e dossieres, Pedro Sánchez actuou no debate da investidura como se non fose haber goberno de coalición. No puxilato con Pablo Casado, Sánchez voltou a demandar ao PP que se absteña para viabilizar o goberno e evitar así a repetición de eleccións. "Ou estabilidade ou eleccións", dixo o candidato do PSOE. Casado anunciou o voto contrario do seu grupo á entronización de Sánchez: "Cos radicais vostede pode ser investido, pero non pode gobernar".

 

A portavoz nacional do BNG denuncia que o proceso de investidura de Pedro Sánchez amosou “dun xeito descarnado” que a Galiza “non conta nada” para PP, PSOE e Unidas Podemos. Ademais Ana Pontón reclamou máis medios contra a violencia machista e que non se pacte coa ultradereita que practica un discurso negacionista do machismo.

Pablo Iglesias dá un paso atrás e renuncia formar parte do goberno do Estado español a cambio de que o PSOE acepte estabelecer un goberno de coalición cunha presenza proporcional de ministros e ministras de Unidas Podemos conforme os votos obtidos por ambas as formacións.

Podemos estará disposto a ceder no asunto crucial da presenza de Pablo Iglesias no gabinete presidido por Pedro Sánchez. Iso é o que se deduce das declaracións realizadas esta sexta feira pola número dous da formación, Irene Montero. A portavoz da formación morada no Congreso si podería ter cabida no goberno, de acordo co dito tamén esta sexta feira por Adriana Lastra, vicesecretaria xeral do PSOE.

O fracaso da primeira investidura do presidente do Goberno español parece cada día máis difícil de evitar. A quinta xuntanza entre o presidente en funcións Pedro Sánchez e o líder de Podemos Pablo Iglesias rematou no mediodía desta terza feira con ruptura. O PSOE adivirte á formación de esquerdas: ou investidura en xullo ou “non haberá segunda oportunidade”.

O día 22 e o día 23 deste mes son as datas elixidas para que teña lugar o debate de investidura do presidente do Goberno español en funcións e candidato do PSOE á reelección, Pedro Sánchez.

Sánchez procurou un contacto cordial co presidente dos EUA antes de tomar asento na cimeira do G20, en Osaka. Trump concedeulle primeiro uns segundos, mais a seguir, dedo índice do brazo dereito esticado, sinaloulle ao xefe do executivo español a súa cadeira. Sánchez sorriu e sentou.

As conversas teñen un certo ar de escenificación de partida de póker de final incerto, mais a clave está en se Iglesias fará parte ou non do "goberno de cooperación", a fórmula eufemismo acuñada pola fábrica Iván Redondo, o spin doctor de Sánchez, para se referir ao que en todo o orbe político se denomina goberno de coalición.

Mudanza sustancial no ton de ERC. Se na tramitación dos orzamentos cuxa caída precipitou o adianto electoral, a formación republicana ligaba o seu voto afirmativo á situación dos presos políticos, nos primeiros compases da negociación da investidura de Sánchez a impresión é que non haberá liñas vermellas. "Non vimos coa intención de bloquear absolutamente nada", dixo Gabriel Rufián aos medios após terse visto coa portavoz socialista Adriana Lastra.

O único aspirante a presidir o goberno central, Pedro Sánchez, reuniuse por separado co líder do PP e de Ciudadanos, Pablo Casado e Albert Rivera. O popular trasladoulle que o seu partido nin o apoiará nin se absterá en segunda votación para facilitarlle a investidura. Rivera trasladou o seu rexeitamento e emprazouno a pactar con Podemos e as formacións nacionalistas.  

Un "goberno integrador, plural, incluínte e non fechado como podería ser un goberno de coalición". Esa é novidosa fórmula que pretenden ensaiar PSOE e Unidas Podemos, segundo o relato que ofereceu esta terza feira Adriana Lastra, portavoz socialista no Congreso e vicesecretaria xeral do partido con máis escanos na cámara (123). Sánchez e Iglesias reuníronse esta mañá e, após constatar un alto grao de coincidencia programática, puxeron os alicerces do que pode ser o primeiro goberno con ministros de dous partidos distintos na historia do réxime político instituído en 1978.

O expresidente José Luis Rodríguez Zapatero impartiu a conferencia Diálogo e política en Compostela, presentada por Suso de Toro, na que asegurou que o conflito catalán non "o resolverán os tribunais", senón que só é posíbel resolvelo desde "a política e o diálogo". O exmandatario tamén descartou a repetición das eleccións xerais e confirmou que Pedro Sánchez será presidente “si ou si”.

Pedro Sánchez voltou a Galiza inmerso na nova campaña electoral das europeas e municipais. Pese aos malos resultados que as enquisas auguran para as dereitas españolas, Sánchez continúa apelando ao voto útil fronte a suma nos concellos de Vox, Ciudadanos e PP.

A vella garda do PSOE continúa a súa marcaxe ás decisións de Pedro Sánchez. Esta terza feira, na Coruña, Alfonso Guerra advertíao de chegar a acordos co “populismo e o nacionalismo”. O ex vicepresidente de Felipe González compareceu ante a prensa acompañado de Francisco Vázquez, ex alcalde socialista da cidade que se deixou ver en actos electorais de Ciudadanos.
 

Pedro Sánchez coprometeuse ante 2.000 persoas en Vigo a “seguir facendo grandes cousas por Galiza” e chamou a castigar a PP e Ciudadanos por non teren freado a ultradereita.

O PSOE vén de denunciar perante a Xunta Electoral "os escraches" contra os seus cartaces electorais

O CIS sitúa o PSOE como gañador das eleccións xerais cunha estimación de 123 a 138 escanos, mais non prognostica maiorías claras para o goberno do Estado. Na Galiza o PSOE tamén sería a forza máis votada e entraría Vox pola Coruña.

O PSdeG-PSOE gábase de ser o partido pioneiro das primarias, mais a última palabra tena sempre o secretario xeral, isto é, a cúpula estatal do partido. Os órgaos federais do PSOE, controlados por Pedro Sánchez, deron un golpe de man ao alterar as listas da formación, non só para as xerais e as europeas, tamén para as municipais. Na Galiza Gonzalo Caballero é quen tira proveito do dedazo de Sánchez.

Ten unha oferta do secretario xeral do PSOE, Pedro Sánchez. O líder do PSdeG, Gonzalo Caballero, apoiaría a operaciòn. A ministra, porén, afirma que aínda non tomou unha decisión ao respecto.

Incógnita despexada. A lexislatura da moción de censura a Raxoi, a única vitoriosa na historia do actual réxime político, chega ao seu fin. Pedro Sánchez anunciou esta sexta feira a convocatoria de eleccións ás Cortes Xerais do Estado. Finalmente a cita coas urnas será o 28 de abril.