28-M
O PSdeG presenta en Zas a súa candidatura ás municipais após 12 anos sen designación
30/abr./23
Sheila Rial encabeza a lista socialista á alcaldía do Concello de Zas.
star
Análise
Dimensión política da cultura
28/mar./23
Henrique del Bosque é licenciado en Dereito e ensaísta.
star
POLÍTICA
As chaves dun novo municipalismo: radiografía das necesidades da política local galega de cara ás eleccións de maio
23/mar./23
A importancia dos Gobernos municipais reside na súa proximidade á cidadanía. Son a primeira administración, o órgano que ha velar pola convivencia e o benestar dunha comunidade; tamén pola súa supervivencia e progreso. Cando o mundo era pouco máis cunha suma de territorios, os obxectivos das administracións locais limitábanse á xestión dos servizos e bens baixo a súa xurisdición. Pero hai tempo que o mundo deixou de ser a suma de territorios estancos.
star
Análise
A política instagramável de Lula da Silva
08/mar./23
A jornalista e historiadora brasileira Ivony Lessa analisa para 'Nós Diario' a política do Governo de Lula da Silva.
POLÍTICA
O BNG denuncia unha nova "discriminación" co hidróxeno
11/xan./23
Néstor Rego chama a facer "unha fronte común" en Madrid pós coñecerse esta segunda feira a concesión das axudas do Estado a catro proxectos de hidróxeno verde, ningún destes na Galiza.
POLÍTICA
Pontón quere conseguir un resultado histórico nas municipais e "ampliar a base social"
08/xan./23
A portavoz nacional do BNG, Ana Pontón, proclama en Rianxo que se fixa o reto nas eleccións municipais de "mellorar a vida das persoas extendendo o modelo do Bloque a máis concellos". Na tradicional cita de homenaxe a Castelao lembrou a vixencia do pensamento do rianxeiro e a necesidade "de ter un proxecto propio e sen ataduras".
star
Reportaxes
O desenvolvemento eólico, epicentro do debate social
16/dec./22
Cada época, e cada ano, teñen os seus propios focos de debate social. Sen dúbida, neste ano 2022 o desenvolvemento eólico na Galiza situouse no epicentro dese debate. Nun país que non é precisamente dado ás mobilizacións, no ano que esmorece non só revivimos o nunca visto hai vinte anos co Prestige, senón que os incrédulos ficamos abraiados ao ver miles de persoas mobilizarse fronte á quixotesca invasión dos muíños de vento.
star
Reportaxes
Galicia, comunidade de propietarios
16/dec./22
A plácida sucesión de O Noso Alberto, que vivimos este ano e teremos o pracer de poder contarlle ás nosas fillas e netos cando esteamos xubilados, representa ó tempo o mellor e o peor dos catorce anos de Pax Albertina que tanto debe estar botando de menos o ex presidente da Xunta no seu exilio interior no Madrid de Díaz Ayuso e Jiménez Losantos, xente que sabe como se debe pór no seu sitio as xentiñas de provincias.
POLÍTICA
Borja San Ramón, secretario xeral de Podemos na Galiza
15/dec./22
Borja San Ramón é o novo secretario xeral de Podemos na Galiza. A súa candidatura conseguiu 18 de 24 representantes na dirección da formación morada. O seu contrincante, Gonzalo Busqué, púxose á súa disposición após coñecer os resultados.
Recuperar a ilusión
01/dec./22
O tempo pandémico deixou tocadas moitas relacións sociais de diverso tipo. Malia a grande apertura que supuxo este verán de recuperación da vida en comunidade, é moita a xente que sinte que non se recuperou o anterior nivel de interacción social e está tristeira.
Con todo, e aínda pese á difícil situación internacional e á incerteza nas expectativas, hai momentos e espazos que fan respirar ilusión, que din que o futuro non está escrito e que non temos que resignarnos ao desastre.
Ver as dependentas de tendas do grupo Inditex montar unha folga na Coruña en pleno Black Friday que non só non xera rexeitamento senón que recibe solidariedade masiva, é esperanza. E que fermosura de consignas e carteis: arte popular contra quen nos empobrece. Ver a casa da cultura de Vilardevós (o concello con menor renda per cápita de Ourense) a rebentar de xente de todas as idades e condicións para escoitar como unha moza, Tamara, presenta a súa candidatura ás eleccións nunha plataforma independente nun lugar onde só había PP e PSOE, é esperanza. Máxime cando se fala tan claramente dos problemas do interior, proclamando que non é que o rural debe ter futuro, senón que "o futuro pasa por un rural vivo".
Que ante un ataque machista orquestrado pola axenda político-mediática da ultradereita a Ministra de Igualdade reciba solidariedade de practicamente todo o arco político, é un avance. Non sucedía así cando as ministras do Goberno Zapatero sufrían similar acoso.
Ás veces caemos na idea de que imos cara o retroceso social, mais, en conxunto, é obvio que avanzamos. Sen menosprezar os signos de alerta –avances da ultradereita entre a mocidade masculina, permeabilidade dos discursos xenófobos en certos contextos…– é notorio como se avanzou en igualdade cando visualizamos vídeos de TV sobre o que se opinaba hai trinta anos da violencia machista. Malia todo, malia o que queda por mudar e pelexar, a sociedade é mellor.
Tamén cómpre recuperar a ilusión para evitar a involución.
