Os primeiros ministros destes dous Estados membros rexeitan o acordo que vincula fondos europeos co respecto ao Estado de dereito e os valores comunitarios.
Tras dúas semanas de mobilizacións diarias nas rúas, o Executivo polaco comunicou esta terza feira a decisión de adiar o ditame do Tribunal Supremo que veta o aborto de fetos con defectos conxénitos. A influencia do Goberno ultraconservador de Morawiecki na xustiza xa foi posta en cuestión con anterioridade desde a Comisión Europea.
Poderían ser condenados en Polonia a multas ou mesmo penas de prisión por despregar bandeiras coas cores do arco da vella, símbolo do movemento do orgullo gay, sobre cinco monumentos.
Nesta segunda feira, o seu rival, o liberal Rafal Trzaskowski, publicaba unha entrada no Twitter onde recoñecía a derrota e desexaba ao presidente que este mandato "sexa realmente diferente".
Con case 40 millóns de habitantes, 8,5% da poboación da UE, Polonia elixirá en segunda volta o presidente do país entre Rafał Trzaskowski, da Plataforma Cívica –afiliado co Partido Popular Europeo–, e o actual mandatario, Andrzej Duda, aliado do partido conservador populista no Goberno desde 2015, Lei e Xustiza.