Os nacionalistas critican que se lles “exclúa” da delegación que defenderá no Congreso a transferencia da autoestrada: “Asumen a defensa grupos que vetaron o debate, que subiron as peaxes ou que son incapaces de vincular o rescate da AP9 o seu apoio aos orzamentos do Estado", criticou a portavoz nacionalista, Ana Pontón.
A defensa dunha aplicación “real e efectiva” da Lei Paz Andrade, que procura a estensión no país de lingua e cultura da lusofonía, foi unha das que logrou o aval das catro forzas.
A ultradereita política organizada en Vox fixo este domingo unha demostración de forza en Madrid. Xuntou máis de 10.000 persoas no pazo dos deportes de Vistalegre, que asistiron a un duro discurso contra a inmigración e Catalunya.
A exvicepresidenta do goberno español con Raxoi comunicou a decisión a Pablo Casado.
A virada estratéxica é, non por obvia, menos rechamante. Os deputados galegos do PP no Congreso comezan a reaccionar á situación da AP-9. Contra o silencio mesto que mantiveron durante os mandatos de Mariano Raxoi, agora piden explicacións ao ministro de Fomento do PSOE pola suba das peaxes.
O Partido Popular non acaba de suturar as feridas do seu último congreso. Á primeira Xunta Directiva de Pablo Casado, elixido presidente da principal organización da dereita estatal despois de se impoñer a Soraya Sáenz de Santamaría nun proceso de semi primarias, faltaron varios importantes dirixentes, Entre eles a propia Sáez de Santamaría ou Alberto Núñez Feixóo.
Inmigración, Catalunya... Campos sobre os que Ciudadanos e PP están a construír a nivel de Estado un discurso acorde co extremismo da nova dereita europea. Tamén vale ese discurso para
Galiza? Respondémolo no número 311 do semanario Sermos Galiza. Eis un extracto.
O presidente dos populares españois elixiu Cotobade para a apertura do curso político, cun PPdeG entregado ao novo líder deste sector da dereita española.
O recente congreso do PP —a vitoria do candidato aznarista fronte á marianista Soraya Sáenz de Santamaría— constitúe todo un regalo para a oposición galega no horizonte das eleccións municipais de 2019, considera o director deste diario dixital, Xosé Mexuto. Para Mexuto, un PP cun perfil máis duro ten menos opcións de recuperar posicións nas locais, nomeadamente nas cidades.
Cumpriuse o guión. Tal e como adiantara o semanario Sermos Galiza, os populares galegos votaron divididos no conclave de elección de Pablo Casado como presidente do Partido Popular. Unha fractura que, lonxe de fecharse, será aínda maior de cara aos vindeiros procesos internos, onde as eleccións municipais de maio de 2019 marcarán un punto de inflexión no partido. Escribimos sobre isto no Sermos Galiza número 306. Eis un extracto.
Pablo Casado, o novo presidente do PP estatal, comeza a perfilar a súa dirixencia. Unha das primeiras mudanzas é a de portavoz parlamentario: cae Rafael Hernando, ascende a ex ministra Dolors Montserrat.Tampouco sobrevive na portavocía do Senado o lucense José Manuel Barreiro, que apoiou Soraya Sáenz de Santamaría. No seu lugar entra Ignacio Cosidó.
A versión actualizada do aznarismo gaña o congreso do Partido Popular. Pablo Casado, deputado nas Cortes, impúxose a Soraya Sáenz de Santamaría, ex vicepresidenta e tamén parlamentaria, cun discurso de dereita dura e que reivindica a figura de José María Aznar. Quen, por certo, non foi convidado ao cónclave popular.
A neutralidade sobrevida de Núñez Feixóo respecto do proceso de sucesión de Raxoi non resiste a sucesión de acontecementos. Se xusto antes de subir ao avión que o levou esta mañá ao congreso do PP en Madrid calaba a súa aposta “por coherencia e non influenciar”. O certo é que prodigou acenos de apoio a Pablo Casado, o candidato máis dereitista.
Non haberá un voto galego homoxéneo no Congreso que marcará o inicio da era post-Raxoi no PP. Así o veu informando Sermos estes días e así o acaba de confirmar o líder do partido nas comarcas ourensás, Manuel Baltar, quen vén de anunciar o seu apoio a Soraya. Santamaría foi a candidata máis votada nos territorios baltarianos o pasado 5X.
O proceso de renovación do PP estase a converter nun calvario para Alberto Núñez Feixóo após ser apartado primeiramente da carreira sucesoria [renunciou a concorrer ao constatar que non tiña hipóteses de ser coroado líder por aclamación] e derrotado nas primarias ao alzarse coa vitoria estatal Soraya Sáenz de Santamaría e comprobar como Dolores de Cospedal era rexeitada por máis do 60% da militancia galega. Agora atópase co partido dividido na Galiza e con perto das 40% das compromisarias e compromisarios –entre eles líderes partidarios tan significativos como o lugués Xosé Manuel Barreiro ou o ourensán Manuel Baltar— apoiando Soraya.
As cartas están xa sobre a mesa: Casado rexeita a oferta de integración que lle formulou Santamaría e disponse a asaltar o poder orgánico no PP, na votación decisiva das delegadas ao congreso a se realizar o vindeiro 21X. Ou hai unha mudanza pouco probábel no taboleiro ou as compromisarias do PPdeG apoiarán Casado para evitar a chegada de Soraya á presidencia do partido.
Apenas 4.222 militantes do PP terán dereito a votar nas primarias do 5 de xullo para elixir o sucesor de Raxoi. Só 4,17 por cento da suposta afiliación do partido na Galiza decidiu inscribirse no censo para participar na primeira rolda do congreso. É unha percentaxe inferior á que se rexista no conxunto do estado, 7,6 por cento de promedio.
