O BNG propuxo no Parlamento a creación dunha Corporación Industrial Galega co fin de superar a política de subvencións da administración pública a empresas privadas dentro da Lei para a Creación do Instituto Galego de Crédito e Investimento que a maioría do PP impediu que fose adiante.
Esta cuarta feira, 26 de marzo, persoal e poboación en xeral sairán de novo ás rúas na defensa da sanidade pública e contra os recortes en servizos, a privatización e os copagamentos. As marchas terán lugar en A Coruña, Ferrol, Santiago, Ribeira, Pontevedra, Vigo, Ourense, O Barco, Lugo e Burela.
Parece imposible que na sucesión de escándalos e disparates da nosa clase política aínda haxa noticias que poidan sorprender. Agora sacan un novo coello da chistera, un hotel de luxo no castelo de Monterrei. E neste caso doe máis, porque o castelo forma parte da miña propia paisaxe, da miña vida. As súas pedras dominando o val son tamén a nosa casa, a de todas e todos os que nos criamos e medramos baixo a súa impoñente presencia que nos fai sentirnos orgullosos de ser de Monterrei, non de calquera outro lugar.
A organización frontista presentou unha Proposición de lei na que defende a creación dun Instituto de crédito e dunha corporación industrial galega coa que, din, se podería "evitar a destrución de medios de produción industrial" nos sectores económicos básicos.
O despedimento de 39 traballadoras da residencia de idos@s Valle-Inclán (Vilanova de Arousa) revela, segundo a CIG-Salnés, un pretenso delito de desviación de fondos públicos na concesión da xestión, que podería contar coa connivencia da Xunta segundo fontes sindicais.
Pontevedra amosou o seu rexeitamento á privatización da sanidade nunha manifestación convocada pola Plataforma SOS Sanidade Pública. Denuncian o traslado de pacientes a Compostela e advirten que tomarán medidas mesmo legais porque se están a "vulnerar o dereito á asistencia sanitaria".
A dirección xeral da empresa que dirixe Alfonso Sánchez Izquierdo aprobou, de costas ás e aos profesionais e á representación sindical, unha normativa en que tamén prohibe "utilizar a rede corporativa para actividades que poidan atentar contra a moral" e resérvase o dereito a comprobar "de maneira aleatoria" que páxinas da internet se están a consultar desde esa rede corporativa.
A organización frontista exixe a Feijóo que "dea a cara" nunha comparecencia parlamentar e denuncia "a estafa" que supón para a cidadanía o argumento do aforro do Partido Popular en materia sanitaria.
O portavoz nacional do BNG pediu a demisión do presidente da Xunta por ser "cómplice compracente" dos intereses de Madrid e da banca internacional. A organización frontista convoca concentracións nas cidades do país esta sexta feira. Hora e emprazamentos no interior.
A Consellaría de Educación cesou a Alfonso Malvido como director do instituto da Illa de Arousa, acusado de ter comezado o curso un día tarde por non contar cos docentes suficientes. Para apoiar a Malvido a comunidade educativa concentrouse como cada terza feira diante do centro e promete continuar coas mobilizacións até que a administración revoque a súa decisión.
A plataforma pola defensa da sanidade pública constituiu a súa sección xuvenil que arrancará os seus actos de protesta cunha xornada lúdico-reivindicativa en Compostela.
Cunha conferencia de Alba Nogueira, especialista na lexislación de augas termais, A Plataforma Veciñal na Recuperación do Patrimonio Termal continúa a demandar o uso veciñal para as fontes de auga en espazo público.
Un nutrido número de persoas, estudantes na súa maioría, recibiron Jesús Vázquez ás portas do CEIP Raquel Camacho, na Coruña, para lle deixar claro o seu rexeitamento aos orzamentos de 2014 que avanzan no desmantelamento do ensino público.
As tres organizacións estudantís da esquerda nacionalista --Comités, Liga e Agir-- convocaron unha xornada de paro nas aulas para rexeitar "os ataques" do PP.
O PP pretende aprobar uns orzamentos para o ano 2014 que afondan no desmantelamento do ensino público e dificultan o acceso universal á educación gratuíta. Estes orzamentos acrecentan, aínda máis, as múltiples carencias que padece o sistema educativo público galego e atrancan, por non dicir imposibilitan, a igualdade de oportunidades.
O persoal do SERGAS encetou na noite do domingo unha folga que se prolongará ate a noite da terza feira día 10. Convocada por CIG, CCOO e CESM-O´Mega, quere manifestar a oposición ás políticas privatizadoras impulsadas polo PP. A cidadanía está chamada a se mobilizar a terza feira á tardiña.
A mostra “Galiza, nun tempo de seu” achega ao público ao esplandor da Galiza Medieval e aos acontecementos que definiron a nosa historia nos séculos XIV e XV no Museo de Lugo.
Nunca dei entendido dogmatismos como “o sector privado non ten lugar ningún no servizo público” ou “ o público non funciona”. O sector privado pode colaborar eficazmente á provisión do servizo público, sempre que se esixan axeitados estándares de calidade e cumprimento da lexislación laboral, fiscal ou ambiental vixente e non se permita o filibusterismo das ofertas desproporcionadas ou temerarias, que recurtan os dereitos laborais e degradan a calidade do servizo público.
Baixo o lema Rexeitemos a LOMCE o 28 de novembro, denunciaron o visto e prace do Congreso a esta norma perante a consellaría de Educación e animaron os centros do ensino do País a enviar ao seu titular, Jesús Vázquez, un correo-e comunicándolle o rexeitamento a esta norma, "unha agresión ao dereito á educación".
O PP votou en contra. A constitución do Consello de Informativos e a elaboración do Estatuto Profesional é unha demanda dos comités de empresa da TVG e da RG, respaldada no seu momento por 354 asinaturas de traballadoras e traballadores.
![Alberto Núñez Feijóo [Imaxe: Xunta]](/asset/zoomcrop,768,432,center,center/media/nosdiario/images/2013/12/04/2013120419013289916.jpg)
