Sanidade

Galiza pechou 2019 cun tempo medio de espera cirúrxica de 54,5 días. Unha marca, explica o Servizo Galego de Saúde, que mellora todos os rexistros históricos e sitúa o territorio galego entre os que ofrecen os indicadores máis sobresalientes do sistema estatal de saúde. Fronte ás cifras ofrecidas polo Sergas, representantes das usuarias e do colectivo médico, reclaman a publicidade dos tempos reais de todos os procesos que asiste a sanidade pública.

A oposición insta a "recoñecer o erro" aos populares, que condicionan a reapertura da sala de partos a que se garanta a seguridade

As Urxencias do Hospital Álvaro Cunqueiro de Vigo viviron a pasada sexta feira un novo episodio de vulneración dos dereitos lingüísticos dunha familia galegofalante. Unha veciña da cidade acudiu ao servizo acompañando o seu fillo de sete anos, con 39,5 de febre e unha forte dor de barriga que lles fixo temer un ataque de apendicite. A pediatra que os atendeu, após a primeira criba, pediulles de "malas maneiras" cambiar ao castelán, e ignorou as explicacións do cativo até que a nai exerceu de tradutora. 
 

Demandan a Administración galega que implante medidas urxentes, como diminuír a cota de pacientes por profesional sanitaria ou facer máis atractivos os novos contratos de continuidade.

As afectadas denuncian que desde a xubiliación do médico anterior a praza quedou vacante, o que significa que aproximadamente 1.000  persoas quedaron sen atencion médica no Centro Periférico de Valeixe.

O Concello da Baña convoca unha concentración o 16 de xaneiro para demandar unha mellor cobertura do servizo. As familias teñen que desprazarse até Negreira, Santa Comba ou Compostela nos días festivos, nas fins de semana ou cando a pediatra está de vacacións.

Denúnciao a Asociación de Pacientes do complexo hospitalario compostelán, que engade que perto de 40 doentes, “con ingresos asinados”, agardaban o traslado a planta ocupando as zonas de traballo do persoal.

A falta de candidaturas á oferta de dúas prazas de pediatría no Hospital de Verín, onde xa naceron de urxencia dúas crianzas, o colapso no servizo de urxencias no Hospital Clínico de Compostela ou a convocatoria dunha manifestación na defensa da Atención Primaria o 9 de febreiro marcan o inicio de 2020.

O Tribunal Supremo analizará a utilización "abusiva" dos nomeamentos de persoal estatutario eventual por parte do Sergas e as consecuencias desa actuación, co obxecto de formar xurisprudencia.

O feche da sala de partos do hospital de Verín abanea o escenario político galego. Mentres desde a Consellaría de Sanidade xustifican a decisión en base a criterios de carácter técnico, os colectivos en defensa da sanidade pública considérana unha medida política dirixida a desmantelar os servizos sanitarios na Galiza non urbana

A familia insistiu en que ficase no Hospital verinés fronte á insistencia da pediatra enviada desde Ourense.

Malia o cansazo e o desgaste dun mes dedicado á defensa activa dunha sanidade pública de calidade apegada á xente do rural, o ánimo non decae entre a veciñanza e as profesionais sanitarias da comarca de Verín. Denuncian maior desleixo por parte da Administración mentres aseguran unha loita indefinida.

Desde as Açores saudou o inicio da década o Presidente da República de Portugal, Marcelo Rebelo de Sousa, quen situou a Sanidade como prioridade absoluta.

34 facultativas e facultativos do Hospital de Verín asinaron esta segunda un manifesto, dirixido ao xerente da área sanitaria de Ourense, Verín e o Barco de Valdeorras, no que demandan “o cese do desmantelamento” do centro. As profesionais afirman que a decisión de pechar o paritorio e as urxencias pediátricas é “meramente política” e consideran “insuficiente” a proposta da Xunta de ofertar dúas prazas temporais de pediatría.

 

Un comunicado da Asociación Estatal de Psicólogos Clínicos e Residentes (ANPIR) denuncia a falta de profesionais de psicoloxía clínica nos hospitais galegos, cunha proporción de 3,47 por cada 100.000 habitantes e listas de agarda para a primeira cita que oscilan entre os 6 e os 9 meses. Ao tempo, o Colexio Profesional de Psicoloxía da Galiza destaca a necesidade de incluír ás psicólogas na Atención Primaria

O presidente do Parlamento galego, Miguel Santalices, asegurou este domingo que está "convencido" de que "se dará unha solución" ao peche do paritorio do hospital de Verín unha vez se "liquide" a situación de falta de profesionais neste centro, que cualificou de "puntual".

A CIG-Saúde de Lugo advirte da falta de roupa de cama en todo o Hospital Lucus Augusti (HULA), mesmo nos servizos especialmente sensíbeis. Segundo denuncia, a situación vense producindo dende hai tempo e "cada vez vai a peor", de tal xeito que unidades como Urxencias, UCI ou Reanimación "quedan, ás seis da tarde, con catro almofadas e oito mantas, mentres as doentes nas plantas de hospitalización pasan frío".

Os berros da veciñaza de Verín que esta terza feira rodearon o Parlamento da Galiza atravesaron os muros do Pazo do Hórreo para protagonizar a última sesión de control ao Goberno deste ano a través das preguntas dos líderes da oposición ao presidente da Xunta, Alberto Núñez Feixoo.

O servizo de xinecoloxía do Hospital Público de Verín interpuxo un recurso de alzada contra o peche do seu paritorio. Defenden que, segundo a lexislación vixente, a competencia para pechar “un servizo que leva en carteira 25 anos” compete á consellaría de Sanidade, non á xerencia da área sanitaria de Ourense. Segundo as profesionais obviáronse os trámites administrativos e legais pertinentes, limitándoas a unha reunión e o envío “dun comunicado”.  

Trasladáronse en autobuses e vehículos desde Verín, Riós ou A Mezquita, entre outras localidades. Denuncian o desmantelamento de servizos no Hospital verinés e no rural.