Sanidade

CCOO afirma que isto beneficia vinte mil traballadoras e traballadores da sanidade pública.

O anuncio do presidente do Goberno, Alberte Núñez Feixoo, da posíbel revisión do peche do paridoiro do hospital de Verín foi recollido con cautela polas forzas políticas e polo comité do centro. Critican que a Xunta ligue a revisión da súa decisión á cobertura de dúas prazas de pediatría, cuxa convocatoria quedou deserta en xuño, e demandan que o Sergas retribúa ás profesionais que traballan fóra das grandes urbes. 

O presidente da Xunta anunciou a convocatoria de dúas prazas de pediatría para o Hospital de Verín esta quinta feira. De cubrirse, o Goberno valorará a reapertura do paridoiro e das urxencias pediátricas, cuxo peche o 1 de decembro foi o detonante de protestas e manifestacións na comarca. A plataforma en defensa da sanidade pública de Monterrei valora o anuncio, pero mantén o peche no hospital. A oposición acusa Feixoo de condicionar a apertura a unha oferta de emprego temporal que en xuño ficou deserta.

As matronas galegas carecen de marco xurídico e salarial  desde 1993, cando se aprobou o Decreto que regulaba as profesionais da Atención Primaria. Esta semana, o Partido Popular galego rexeitou facelo, tras unha petición no Parlamento do BNG apoiada por todos os grupos. Sermos Galiza conversa coa presidenta da Asociación Galega de Matronas, Isabel Abel, que lamenta esta decisión e denuncia a súa precaria situación.

Representantes do colectivo Enfermeiras Eventuais en Loita viaxaron até Bruxelas para expór as súas demandas no Parlamento Europeo. Da man da eurodeputada do BNG, Ana Miranda, cursaron unha solicitude na Comisión de Peticións para que se investigue o uso de contratos temporais polo Sergas.

O Tribunal Superior de Xustiza de Galiza (TSXG) acaba de estabelecer a responsabilidade patrimonial do Sergas no falecemento dun paciente do Complexo Hospitalario Universitario da Coruña (Chuac) en febreiro de 2015. 

O ex xerente do hospital de Verín, Enrique Pérez, súmase ás mobilizacións da cidadanía e das profesionais sanitarias para defender a continuidade dos servizos de partos e urxencias pediátricas comarcais. Entre 2007 e 2009 estivo á fronte da dirección do centro, un período no que recoñece "xa existía o empeño de pechar o paridoiro". Na súa opinión, a supresión da unidade responde a "directrices políticas" que nada teñen que ver coa falta de seguridade ou de pericia médica.

Esta segunda feira a plataforma SOS Sanidade Pública apoiará en Verín as reivindicacións da poboación, en contra do peche do paridoiro e das emerxencias pediátricas no hospital comarcal. A plataforma propón unha grande mobilización a nivel galego que aúne as demandas de persoal sanitario, pacientes e sindicatos. "Queremos unha manifestación centrada nas pacientes", reclaman as Enfermeiras Eventuais en Loita.

Horas antes de que a mobilización veciñal en Verín concretase as accións a seguir en defensa do hospital, no Parlamento o PP rexeitou calquera posibilidade de disenso no partido e garantiu o apoio unánime das súas deputadas e deputados ao feche do paridoiro de Verín. 

Milleiros de persoas botáronse de novo á rúa para reclamar que continúe aberto o paridoiro do Hospital Comarcal de Verín, emulando un funeral pola desaparición desta unidade.

Sindicatos, profesionais sanitarios ou plataformas en defensa da sanidade pública sinalan que a situación do Hospital de Verín é consecuencia da supresión das áreas sanitarias que aprobou a Lei de Saúde de Galiza. O desmantelamento dos centros hospitalarios comarcais, denuncian, é un paso máis na centralización dos servizos nas urbes e na privatización da sanidade. "No Hospital da Costa houbo arredor de 400 nacementos o pasado ano, poderían empregar o mesmo argumento que en Verín para pechar o paridoiro", denuncia a plataforma en defensa da sanidade pública da Mariña.

Nenas e nenos de Verín e dos concellos da súa comarca encabezaron esta tarde unha nova protesta contra o peche do paridoiro e das urxencias pediátricas do hospital. As familias denuncian que máis de 2.000 menores quedarán sen atención como consecuencia desta medida. Vídeo no interior

Ana Pontón e representantes nacionalistas, entre elas, a deputada Noa Presas e o tenente de alcalde de Verín, Diego Lourenzo, visitaron esta quinta feira ás persoas que manteñen un feche no Hospital de Verín para reclamar que non se elimine o servizo de paridoiro. O líder de En Marea, Luís Villares, tamén participou nun acto de denuncia en Ourense sobre a situación en Verín. 

O Concello de Verín clama de forma unánime contra o peche do paridoiro comarcal. O PP local sumouse á declaración institucional do Concello contra o peche do paridoiro do hospital comarcal. A conformidade que até o momento amosou a veciñanza na rúas dá o salto ás institucións locais e provinciais, que piden unha resposta "consecuente e coherente" coas demandas sociais.

A compañía informa nun comunicado que "formalizou a adquisición do 93% do accionariado" que estaba nas mans do grupo Nosa Terra XXI. O Goberno galego deixou pasar a ocasión de entrar na poxa, malia as reiteradas demandas da oposición.

Javier Castrillo (1958, Puebla de Valdavia, Palencia) é xefe do servizo de Xinecoloxía no Hospital de Verín, onde traballa hai dezaoito anos -o centro apenas ten uns poucos máis: foi inaugurado por Fraga en 1994-. Castrillo advirte que detrás de todos os retallos dos últimos anos está a intención velada da Xunta de fechar o Hospital, mais confía en que a mobilización da veciñanza semente as dúbidas entre os responsábeis políticos.

Persoal do Hospital e veciñanza manteñen o feche nas instalacións do complexo de Verín. As convocadas organízanse para facer quendas tamén de noite e ocupar a zona de dirección sen molestar á parte asistencial.  

Arredor de 5.000 persoas, reuníronse este sábado, 30 de novembro, fronte ao recinto do hospital comarcal de Verín para protestar pola decisión do Sergas de pechar o paridoiro, a partir desta segunda feira, e suprimir o servizo pediátrico.

Esta sexta feira a Marcha Mundial das Mulleres e a asociación Arrolos de Teta convocan unha concentración contra o feche do servizo de partos do Hospital de Verín. Sábado, 30 de novembro, a veciñanza tomará as rúas contra o desmantelamento do centro hospitalario. "Esperamos unha mobilización masiva", avanzan desde a Plataforma pola Defensa da Sanidade Pública da Comarca de Monterrei.

Após dúas xornadas de paro, a Asemblea Galega de Áreas Sanitarias ve «cumprida de forma ampla as súas expectativas». As convocantes recoñecen unha alta participación e esperan que a Consellaría «mova ficha» o antes posíbel.