Sanidade

A Asemblea de Áreas Sanitarias da Galiza apunta unha maior participación en todas as áreas agás na de Vigo, que rexistrou unha caída de “90% a 83%”. Canto á actividade nos centros de saúde, a Asemblea destaca a normalidade con que se atendeu as doentes durante a xornada de paro.

A partir do 1 de decembro o servizo de partos do Hospital de Verín derivarase ao de Ourense. A problemática de fondo, denuncian desde a Comisión delegada do Hospital de Verín, é a falta de pediatras que atenda as mulleres e as urxencias das menores de 14 anos. O feche do paritorio, sinalan, é un paso máis no desmantelamento da sanidade na comarca de Monterrei.

Profesionais da veterinaria da Galiza manifestáronse para reclamar unha mellora das súas condicións laborais, que segundo din, repercutirá na calidade da saúde pública. Con todo, a dignificación do seu status profesional centra o seu obxectivo. Piden o recoñecemento como autoridade sanitaria. «A sociedade queda con esa imaxe habitual das veterinarias e non reparan no labor de control que desenvolvemos nas industrias alimentarias, en matadoiros, centros escolares ou restaurantes», explica Luís Núñez, presidente do Consello Galego dos Colexios Veterinarios a Galiza.

 

As comarcas de Ourense e Ferrolterra levan tempo denunciando as graves deficiencias dos servizos de pediatría dos seus concellos. O Sergas defende que a falta de especialistas non se debe a problemas de carácter «económico» nin ás «condicións laborais», senón á escaseza de pediatras dispoñibles.

 

A asemblea de médicas e médicos celebrada na noite do día 30 deuse de prazo este mes para decidir se interromper de forma temporal a docencia que as profesionais imparten ao persoal MIR, ante a sobrecarga de traballo nesta área sanitaria. O Sergas advirte de que retirar esa formación suporía perder 22 facultativos de familia o ano que vén.

Os profesionais do sector sanitario protagonizaron unha marcha en Compostela na que clamaron contra a “saturación” da atención primaria” e denunciaron que “nunca” estiveron “tan saturados”.

As áreas sanitarias galegas convocan unha mobilización este sábado e folga os días 27 e 28 de novembro.

A protesta motivouna a falta de contestación ás peticións de reunión que lle enviaron ao conselleiro.

A plataforma SOS Sanidade Pública e a maioría do comité de empresa (CIG e CC.OO.) do Hospital Povisa convocaron unha manifestación para a quinta feira, 24 de outubro, en Vigo para esixir que a Xunta "dea un xiro" e recupere este recurso asistencial para a sanidade pública.

O 061 alega que había outras dúas emerxencias. A oposición pide a comparecencia do conselleiro de Sanidade e lembra que hai 3 ambulancias para cubrir 1.700 quilómetros cadrados de superficie e unha poboación moi dispersa

Malestar pola defensa no Parlamento por parte do conselleiro da empresa Ribera Salud

24 millóns de euros é a cifra sobre a que xira o negocio entre a propiedade e unha empresa controlada por un fondo de investimento. A oposición sinala á Xunta que o país está diante dunha oportunidade para virar nas privatizacións. Piden que o Sergas se faga co control dun hospital que dá servizo a máis de 130.000 persoas na área de Vigo. Montse Prado (BNG) e Eva Solla (Común da Esquerda) lideran unha proposta que mudaría toda a política sanitaria ao rematar co maior concerto público-privado do Estado.

Sermos Galiza afonda na reforma que marcou o principio da fin dos grandes psiquiátricos monográficos que mantiñan as persoas con trastornos mentais severos encerradas, lonxe da súa comunidade. O novo modelo de traballo promove a integración destas doentes no seu contorno e a recuperación do lazo social perdido, pero a falta de planificación e de novos recursos asistenciais aínda manteñen as persoas enfermas tradicionalmente excluídas en situación de abandono. Eis un estrato da peza publicada no número 367 do semanario en papel Sermos Galiza.

O Goberno galego responderá no Pleno desta cuarta feira preguntas dos grupos parlamentarios polo futuro incerto do hospital  

No inicio da campaña antigripal, CIG-Saúde alerta da necesidade de adoptar medidas eventuais ante a previsíbel falta de persoal en Atención Primaria no mes de decembro, coincidindo coa vaga de gripe.

O persoal segue demandando explicacións dunha operación na que ven riscos de perda de postos de traballo e rebaixa da calidade asistencial. A Xunta négase a estudar a posíbel reversión ao público, como aconteceu co hospital de Alcira en 2018, din as traballadoras.

Sería a segunda venda do complexo hospitalario vigués desde a súa posta en andamento, na década dos setenta. O interesado, Ribera Salud, é unha empresa participada en 90% por Centene Corporation. O Sergas pide que se garanta calidade asistencial e empregos.

Entre as demandas da CIG-Saúde atópase un Plano de ordenación de Recursos Humanos en Atención Primaria; a supresión da taxa de reposición e unha previsión das xubilacións que se van producir.

As traballadoras e os traballadores critican a decisión da xerencia de trasladar a unidade de paliativos para o Hospital Provincial.

O colectivo Enfermeiras sen Cadeas, que conta co apoio dos sindicatos CIG, Prosagap e CCOO, denuncia as condicións de “escravitude laboral" ás que están sometidas por mor dos contratos de continuidade que ofrece o Servizo Galego de Saúde. Pola contra, desde a Consellaría de Sanidade reafírmanse en que os termos contractuais permiten a "estabilidade" e a "conciliación". Sanidade prevé aplicar esta medida de forma "inmediata".