A Arxentina négase a desculparse con Sánchez logo do insulto de Milei á súa parella e Albares abre a porta á ruptura de relacións

Manuel Adorni, voceiro do presidente ultradereitista arxentino Javier Milei, subliñou na madrugada da segunda feira que “poden esperar tranquilos que non vai haber unha desculpa”, após chamar o mandatario “corrupta” á parella do presidente español, Pedro Sánchez, durante un acto ultradereitista en Madrid. O titular de Exteriores español, José Manuel Albares, advertiu que racharan as relacións bilaterais se non hai unha desculpa pública.