![Nós Diario](/media/nosdiario/images/2023/01/10/2023011017211925549.png)
Redacción
14/xuño/23 - 11:31
Actualizado: 14/xuño/23 - 11:31
Galiza rexistrou 1.126 nacementos o pasado mes de abril, o que supón 2,5% máis que os 1.098 bebés contabilizados no mesmo mes de 2022, segundo datos publicados polo Instituto Nacional de Estatística (INE). Desta maneira, os nacementos crecen no país, a pesar de que a nivel estatal diminuíron 1% en abril, con 25.141 nenos. No que vai de ano, rexistráronse na Galiza 4.474 bebés, 2,1% menos que no mesmo período do exercicio previo, mentres que no total do Estado esta caída foi de 1,75%, ata 103.443 nenos.