O contido do Boletín 378 é, sobre todo, produto do simposio organizado pola Academia en novembro do pasado ano, das xornadas da Fundación Casares en Ourense e Vigo e do ciclo do Consello da Cultura Galega sobre o autor de Vento ferido.
A maiores, o número 378 tamén recolle as alocucións dos académicos e académicas na sesión de honra do 17 de maio de 2017, cando Casares protagonizou o Día das Letras Galegas, celebrada en Xinzo de Limia.
Outras actividades académicas desenvolvidas ao longo do pasado ano tamén aparecen reflectidas no Boletín, que desde xa é consultábel na sección de publicacións periódicas do web da insitución da rúa Tabernas.