A sexa-feira e máis o sábado terá lugar na associaçom compostelá a Gentalha do Pichel um foro sobre a escolarizaçom e imersom nas línguas minorizadas como o galego e o catalã, com o objetivo de “reflexionar” e “encontrar respostas a problemas concretos” perante à actual situação linguística, mediante a análise de distintas experiências tanto nacionais como internacionais.
As jornadas contarám com personalidades do ensino em língua catalã como a professora de Didáctica das Línguas na Universidade Autónoma de Barcelona, Luci Nussbaum, e com directivos das Escolas Bressolas da Catalunya Nord, Francesc Franquesa, Eva bertrana, Miquel Mayol e Joan Ridaura.
As jornadas contarám com personalidades do ensino em língua catalã
![Publicidade 201818]()
Pola parte nacional, assistiram conhecid@s defensor@s da língua própria do país como o professor de Lingüística da Universidade da Corunha, Celso Álvarez Cáccamo, docentes de infantil com experiência no ensino da Galiza rural como Pilar Gonçales e Marga Alborés, ou a deputada do BNG, Carme Adán, uma das impulsoras das Galescolas durante o mandato do governo bipartito.
As jornadas repararam na experiência da Escola Cooperativa de Ensino Galego Semente que, com só um ano de trajectória, érguese como um “projeto pioneiro no País” canto a escolarizaçom em galego.
Esta rolda informativa comtará também com uma parte pedagógica por conta de Francesc Franquesa, Director Pedagógico das Escolas Laicas da Catalunya Nord,destinada a profisionais do ensino, e que procura proporcionar umha focagem às pessoas interessadas na questom da educaçom em línguas minorizadas.
