O até de agora alcalde de Santiago, Ángel Currás, manterase como edil no novo Goberno de Compostela malia estar imputado e ser responsábel de boa parte da desfeita municipal santiaguesa. O novo equipo de goberno contará con maioría de concelleir@s non elect@s e no que estarán nomes como Marta González, deputada popular no Congreso, e María Jesús Sainz, senadora.
Así o anunciou este sábado o futuro rexedor compostelano, o conselleiro Agustín Hernández, que presentou o equipo de Goberno co que contará para gobernar a capital galega. O grupo estará formado por seis persoas da candidatura popular ás últimas eleccións locais e sete edís non electos.
En concreto, segundo detallou en rolda de prensa, figurarán da candidatura popular os actuais integrantes do equipo de Goberno -os concelleiros Reyes Leis, Luis Meijide, José Manuel Rosende e o agora alcalde, Anxo Currás- así como el mesmo e a deputada Marta González.
Sainz foi conselleira con Fraga e regresa á primeira liña após uns anos de escasa actividade pública no Senado
![Publicidade 201818]()
Como edís non electos incorporaranse María Jesús Sainz, senadora do PP e exconselleira de Educación; Alejandro Sánchez Brunete, concelleiro nos anos 90, María José Corral López, colaboradora do gabinete de Agustín Hernández; Teresa Guitiérrez, directora do IGVS, Manuel Martínez Varela, secretario do Concello de Boiro, e María Antón, xerente do Consorcio de Santiago.
