Un piloto galego, Manuel R.C., faleceu na tarde deste domingo despois de que o avión que pilotaba batese contra outro durante un espectáculo aéreo que acollía a cidade portuguesa de Beja. Un sinistro no que tamén resultou ferido outro piloto de nacionalidade lusa, segundo confirmou a Forza Aérea Portuguesa.
O falecido, de orixe viguesa, pertencía á patrulla acrobática ibérica Yakstars, formada por pilotos do Estado español e Portugal, e estaba participando no Beja AirShow, na base aérea número 11.
A institución especificou tamén que unha das aeronaves acabou estrelada fóra do perímetro da Base Aérea e a outra aterrou na unidade sen provocar vítimas entre as persoas que observaban o espectáculo nas inmediacións do lugar no que se produciu o accidente.
Até o sitio desprazáronse de inmediato servizos de emerxencia, que atenderon o piloto luso ferido, de 37 anos de idade, trasladado posteriormente ao Hospital de Beja.
Two Yak-52 aircrafts of the Spanish-Portuguese Yakstars formation team collided during the Beja Air Show, Portugal.
Unfortunately, one aircraft crashed resulting in death of pilot.
The other pilot Sucre managed to land his plane. The incident occurred shortly after 4 p.m.… pic.twitter.com/bbZ8t7SZ7r— FL360aero (@fl360aero) June 2, 2024![Publicidade 202089]()
O ministerio de Defensa portugués informou da apertura dunha investigación para coñecer os motivos do sinistro. A Cámara Municipal de Beja, a través do seu presidente, Paulo Arsénio, trasladou nas últimas horas o seu pésame e consternación polo accidente.
