Seguimento absoluto na sexta xornada da greve en Bersha na provincia de Pontevedra, día na que a representación das traballadoras mantivo unha primeira xuntanza en Compostela coa dirección da empresa que rematou sen acordo, polo que o paro indefinido continúa. Esta cuarta feira as traballadoras analizarán en asemblea o contido nesa reunión.
A greve convocada polo comité de empresa (cinco delegadas da CIG) faise contra a discriminación laboral que padecen as empregadas pontevedresas con respecto ao persoal doutras provincias. Desde o sindicato salientan que o conflito laboral está a espertar unha “gran vaga de solidariedade non só no país senón tamén no conxunto do Estado a pesar do silenciamento informativo de boa parte dos medios de comunicación”.
A reunión coa dirección prolongouse dende as 13:00 até case as 21:00 horas, e a pesar de que se achegaron posturas con respecto a algunhas das reivindicacións o acordo non foi posíbel pola negativa da empresa a aceptar as reclamacións económicas do cadro de persoal.
Exemplo
Entre os apoios chegados dende distintos puntos do Estado salienta o da central sindical vasca LAB, que fixo público un comunicado no que lle traslada o seu apoio e solidariedade ao persoal pontevedrés de Bershka,