O presidente do comité de empresa de Alcoa en San Cibrao, Cervo, José Antonio Zan, anuncioua convocatoria dunha marcha nocturna o vindeiro sábado na poboación de Xove, na Mariña.
Tras o "éxito" da caravana de coches en Viveiro a pasada fin de semana, os traballadores de Alcoa seguen con mobilizacións e desta volta farano en Xove, nunha "marcha nocturna" á que convidan "a todo o que queira sumarse, desde o campo de fútbol até o Concello".
"Nesta marcha pedímoslle aos veciños de Xove que apaguen as luces, e os da rúa principal e a rúa que dá ao Concello que prendan cirios ou candeas nas xanelas para que se visualice que está todo ás escuras e véxanse as luces dos traballadores cando cheguen", concretou, á vez que anunciou que "creo que vai ser unha protesta moi vistosa", explicou.
Despois de que o Tribunal Supremo tombase o ERE que impulsaba a multinacional, Zan volveuse a se queixar de "non" ter noticias do Goberno, de "non dar signos de vida e levan así máis dun mes".
Zan comentou que hai ofertas "de catro empresas solventes, e que queren facer esa operación"
"Pola nosa banda estamos cansados de moi boas palabras e ningún bo feito. Non temos un papel escrito por parte do Ministerio (de Industria) neste nove meses, nin nada asinado por parte deles (do Goberno)", afeou.
Ademais, o presidente do comité de empresa advertiu de que "hai ofertas" para facerse coa planta de San Cibrao, e insistiu unha vez máis en que o "problema" radica na SEPI. "Vese que o Ministerio de Industria non ve ben ter industria neste país e a SEPI non fai a operación porque non quere facer ese traballo", censurou.
Zan comentou que hai ofertas "de catro empresas solventes, e que queren facer esa operación". "Son empresas que estarían encantadas si o Goberno participase cun tanto por cento do accionariado, empresas que tamén queren que se lles garanta un marco enerxético e unha continuidade de futuro", sentenciou.