Prado e Cela representaron o BNG na marcha de Barcelona
Montse Prado e Rubén Cela respaldaron na capital catalá a mobilización a prol da liberdade dos presos.
Montse Prado e Rubén Cela respaldaron na capital catalá a mobilización a prol da liberdade dos presos.
O PP formulou un recurso perante a Xunta Eleitoral para impedir que a TV3 retransmitise a marcha a prol da liberación dos presos. A formación unionista argumentou que a televisión catalá é a principal ferramenta de axitación do soberanismo. A Xunta Eleitoral rexeitou o recurso.
Nova demostración da enorme capacidade de mobilización do soberanismo catalán. Centos de miles de persoas -750 mil segundo a estimación da Garda Urbana- compuxeron este sábado 11 de novembro unha manifestación xigante que percorreu 3 quilometros 300 metros ao longo de dúas horas. Os cánticos pola liberdade dos presos políticos e os berros "independencia" e "Puigdemont president" foron a banda sonora dunha nova macha para a historia do procés. A marcha deixa imaxes con enorme carga simbólica, con centos de miles de telefones móveis a iluminaren o serán de Barcelona. A seguir o directo -o minuto a minuto- da mobilización, que devolve ao soberanismo a iniciativa política a apenas 5 semanas das eleccións do 21-D.
ERC vai ir como tal ás eleccións do 21-D. Integrará na súa candidatura o partido Demòcratas -esgazadura soberanista da extinta Unió-, e o colectivo Més. Unha vez decidido que non haberá unha candidatura unitaria do bloco soberanista, Esquerra propón unha "fronte republicana" entendida como a coordenación programática das forzas independentistas.
Todo indica que Barcelona voltará a viver este sábado unha enorme mobilización de masas. Están chamadas a se manifestar a partir das 17 horas polos colectivos soberanistas e baixo o lema de ‘Llibertat presos polítics. Som República’. Convocan ANC e Òmnium Cultural, cuxos presidentes están en Soto del Real desde o 16 de outubro pasado.
Estratexia de defensa ou paso atrás na súa práctica independentista? É cedo para o sabermos, mais o que si é certo é que quer Carme Forcadell quer o resto dos membros soberanistas da Mesa do Parlament fixeron concesións na súa declaración perante o xuíz para, nunha troca, eludir a prisión. Conseguírono por meio de fianzas. Mais o que non conseguiron é seren desimputados. Continúan a pesar sobre elas e eles os mesmos cargos: rebelión, sedición e malversación de fondos.
O xuíz do TS non aceitou a petición da Fiscalía -prisión incondicional- e decreta prisión eludíbel baixo fianza para a presidenta do Parlament, Carme Forcadell. Se paga 150.000 euros non irá a prisión.
O Ministerio Público non concede tregua e demanda prisión incondicional para a presidenta do Parlament e outros tres membros da Mesa do Parlament por teren dado luz verde á tramitación da DUI. Para Ramona Barrufet (PDeCat) pede prisión eludíbel sob fianza de 50.000 euros, en tanto que a petición para Joan Josep Nuet (coordenador de Esquerra Unida i Alternativa, parlamentar de Catalunya sí que es Pot) é de liberdade con medidas cautelares.
Carta do president e dos 4 consellers deslocados a Bélxica ao pobo catalán, enviada xusto o día da comparecencia da presidenta do Parlament e dos membros da Mesa perante o Supremo baixo a acusación de rebelión por teren autorizado a tramitación da DUI. "Toca expulsar das institucións os que se quixeron apropiar delas cun golpe de Estado", afirman na misiva.
A xornada está marcada polos cortes viarios e ferroviaros, así como mobilizacións concorridas.
Convoca a central independentista I-CSC, co apoio de parte da CGT e do colectivo de CC OO Comissions per la Independència. UGT e CC OO non a respaldan formalmente. É unha mobilización xeral que persegue paralisar a cidade de Barcelona, colapsar a rede de transportes e ter presenza en todo o territorio. Ten como obxecto denunciar o ataque ao autogoberno de Catalunya e demandar a liberación dos presos políticos.
Non haberá lista unitaria de país que vaia desde a CUP até o PDeCAT. ERC propón como alternativa unha "fronte común programática" desde opcións eleitorais distintas.
O litixio entre Catalunya e o Estado non vai rematar coa entrega ou non de Puigdemont e os 4 consellers ás autoridades españolas. O president anunciou esta terza feira, nunha entrevista en Catalunya Radio, que o Govern recorrerá á xustiza internacional para denunciar o "golpe de Estado ilegal" perpetrado contra as institucións catalás. "Iremos aos tribunais internacionais e España pasará vergoña", di o dirixente independentista, quen se postula como candidato ás eleccións do 21 de decembro.
17 de novembro (14 h). Ese día está axendada a primeira vista do proceso sobre a petición española a Bélxica para a extradición de Puigdemont e os 4 membros do Govern que o acompañan. Será nun tribunal de primeira instancia belga e, portanto, contra unha eventual resolución favorábel a Madrid sempre caberían recursos que poderían estender o procedimento durante no mínimo dous meses máis.
O xuíz debía decidir este domingo se os deixaba en liberdade ou se lles aplicaba prisión preventiva como medida cautelar. Optou pola decisión máis favorábel para Puigdemont e os consellers.
Pésimas noticias para a estratexia española sobre Catalunya: este domingo, as principais forzas políticas belgas -quer as da oposición quer as do goberno- criticaron a focaxe represiva coa que desde Madrid se está a tratar a cuestión catalá.