Covid-19

A vicepresidenta primeira do Goberno demanda ás autonomías colaboración e coordinación. Desde o seu punto de vista non se pode facer política coa situación do coronavirus e tampouco reducir os dereitos máis fundamentais.

As melloras nos cinco centros sanitarios estaban aprobadas antes da afección da pandemia, pero decidiuse apurar os trámites para comezar os traballos o antes posíbel. A intención é que os novos espazos poidan albergar tanto pacientes de coronavirus como unidades dedicadas de unha ou outra forma á procura dunha solución para a Covid-19

A muller, que padecía patoloxías previas, estaba ingresada no Hospital Universitario Lucus Augusti. Dase a circunstancia de que no centro onde vivía o gromo xa afectou a 117 persoas, entre persoal e usuarios e usuarias. De feito, trátase da sexta vítima mortal do gromo do Incio.

Decenas de persoas se concentraron este domingo ante as residencias de DomusVi en Barreiro (Vigo) e Aldán (Cangas) para homenaxear ás 270 persoas maiores e dependentes que perderon a vida nestes centros desde marzo.

Galiza conta con 3.484 casos activos, 190 máis nas últimas 24 horas, e suma dous novos falecementos, segundo os datos da Consellaría de Sanidade.

É o segundo falecemento en menos de 24 horas na residencia do Incio, intervida pola Xunta

Vulnerar a corentena ou o illamento na Galicia poderá ser sancionado con entre 3.000 e 120.000 euros

A Deputación de Lugo decide o feche das residencias de Ribadeo, Trabada, Pol e A Fonsagrada para non ter que lamentar consecuencias maiores

O BNG volverá instar ao Goberno español no Congreso que garanta o acceso universal aos medios de protección por unha cuestión de saúde pública

"Nada mudou nin moito menos mellorou" nas residencias de maiores e de dependencia na Galiza a respecto da situación previa á pandemia nin durante o confinamento. Así o denuncian organizacións de traballadoras e traballadores e a federación REDE de usuarias e familiares. Coinciden todas en que o principal escollo que tiña que solucionarse para afrontar a segunda onda da pandemia é solventar a falla de persoal cualificado, tanto no sistema público, onde non se cobren vacacións, como nos centros xestionados por empresas, onde as condicións laborais son "moi precarias".  
 

A Consellaría de Sanidade comunica a existencia de 3.294 casos activos e dous novos falecementos por Covid-19 nas últimas horas, unha muller de 85 anos no CHUAC e un home de 71 no CHUO, ambos con patoloxías previas.

Un home de 93 eleva a catro as vítimas do gromo detectado na residencia de maiores do Incio

Tres hospitais de Madrid e Santander iniciarán o primeiro ensaio clínico que se autoriza en España para probar unha vacina contra a Covid-19. Autorizouno a Axencia Española de Produtos Sanitarios, para un estudo que se desenvolverá tamén en Alemaña e Bélxica e que espera resultados nos próximos meses. 

Catro positivos de Covid-19 na factoría viguesa de PSA acenden as alarmas nun sector do que depende boa parte da economía do país. De momento a produción non está en risco, pero serve como chamada de atención para que o tecido produtivo galego extreme as precaucións se non quere pagar as consecuencias.

O Tribunal Superior de Xustiza de Galiza considera que as limitacións impostas pola Xunta ao sector teñen que mantenerse. Porén, pronto terá que atender o recurso do empresariado compostelá da hostalaría. As asociacións da capital galega criticaron onte que Feixoo dirixa "ataques inxustificados" cara estes negocios e os culpe de moitos gromos de coronavirus.

O conselleiro de Sanidade tamén anuncia que as reunións en ambas zonas quedarán limitadas a un máximo de cinco persoas que non convivan. A semana próxima haberá restriccións aos eventos masivos e os que se celebren esta fin de semana deben ser comunicados á Xunta para que se poida levar un control das e dos participantes.

Os datos que manexa a Consellaría de Sanidade amosan que dos 3.139 casos activos, preto da metade circunscríbense á área sanitaria da Coruña e Cee. Porén, esta sexta feira rexistráronse novas afeccións en todas as demarcacións sanitarias. Un dos grupos máis afectados pola pandemia segue a ser o das persoas que viven en residencias.