Covid-19

A velocidade coa que o coronavirus se estende na residencia do Incio traslada o medo a un concello virxe á primeira onda da pandemia. Veciñanza do Incio enxalza a profesionalidade do cadro de persoal deste centro e o bon trato ás residentes, mais sinalan que algo debeu fallar neste xeriátrico privado e relixioso.

O Goberno estatal acordou coas Administracións territoriais unha serie de criterios para tratar de garantir que o curso escolar se desenvolva de maneira presencial e coa máxima seguridade. As medidas, aceptadas polas comunidades, pasan por instaurar unha distancia mínima de 1,5 metros entre o alumnado, máis do que a Xunta fixaba no seu protocolo, e pautan tamén o uso de máscara obrigatoria desde os seis anos, ventilación frecuente, lavado de mans, toma de temperatura previa ao inicio da xornada lectiva ou creación de grupos de convivencia estábeis, sen distancia mínima, nas idades temperás.

Durante anos, a prevención laboral nas empresas galegas consistiu en cumprir cos mínimos que marca a lei, mais non en elaborar plans específicos. Esas carencias poden ser agora, en tempos de pandemia, unha condena para moitos negocios nos que a falla de medidas de prevención efectivas pode levar a rexistrar novos gromos.

As comunidades autónomas e o Goberno estatal lograron un acordo para coordinar as medidas da 'volta ao cole', e pactar un protocolo de mínimos compartido entre os diferentes territorios e aberto a melloras. Euskadi foi a única excepción e explicou que a súa abstención se debe á competencia exclusiva que teñen en materia de Educación.

Os casos activos de Covid-19 na Galiza continúan en aumento esta quinta feira, con 141 máis, e sitúanse en 2.939, despois de incrementarse os contaxios en todas as áreas sanitarias.

A Agra do Orzán é un dos barrios máis populosos, non só da Coruña, senón da Galiza e mesmo de Europa. Especialistas en socioloxía e arquitectura razoan por que zonas como esta están máis expostas ao coronavirus, razóns que van máis alá das accións individuais e que responden a motivos estruturais.

Na mesma xornada na que o presidente da Xunta, Alberto Núñez Feixoo, asegurou que se está a "ultimar" o protocolo do regreso ás aulas, un grupo de familias entregou 2.500 sinaturas nas que exixen poder escoller se o alumnado volve aos centros. Docentes e profesionais defenden a presencialidade en declaracións a Nós Diario, sinalando que os cambios nas medidas están a xerar inquedanza nas familias e nas propias crianzas e adolescentes. 

Sinalan que o procolo dificulta a socialización necesaria para este alumnado, así como o traballo en grupo. Así mesmo, reclaman solución para o persoal especializado na súa atención, que en numerosas ocasións traballa con distintos grupos e centros rachando co concepto da "aula burbulla".

Atopar piso para estudantes en Compostela comeza a ser misión imposíbel, e todo pese ás incertezas sobre o inicio de curso e a tipoloxía das clases no ensino universitario. Este ano, adiantáronse as procuras, mais a oferta é algo máis reducida xa que moitas propietarias quitaron os seus pisos deste mercado.

En chave estatal decorreu na mañá desta cuarta feira a rolda de prensa en que Alberto Núñez Feixoo, presidente da Xunta da Galiza, desbotou a proposta do seu homólogo estatal, Pedro Sánchez, de ofrecer ás autonomías a declaración do estado de alarma de maneira individualizada.

A residencia de maiores de San Rosendo no Incio, que permanece intervida pola Xunta, non estuda o "fechamento" tras rexistrar un brote da Covid-19 que afecta un total de 113 casos, 87 residentes e 26 traballadoras e traballadores.

O número de casos activos de COVID na Galiza segue en aumento esta cuarta feira, con 218 máis, e elévanse a 2.798, despois de incrementarse os contaxios en todas as áreas, salvo na de Ferrol, que descenderon en tres.

Persoal do Grupo Konecta forma parte do sistema de rastrexo que puxo en marcha a Consellaría de Sanidade, segundo aseguran os propios empregados. A multinacional desembarcou na Galiza tras adquirir Universal Support, empresa creada polo Banco Pastor, e posterirmente mercou Sum Talk, o call center que contaba con Abanca ou Inditex entre a súa clientela. O fondo de capital de risco ICG, con participacións en Konecta, é accionista maioritario de DomusVi.

O presidente español recoñece que a situación sanitaria non é igual en todo o Estado.

Fruga exixe ás consellarías de Sanidade e Medio Rural protocolos de actuación e un catálogo de medidas preventivas fronte á Covid-19 para traballos agropecuarios e forestais.

O número de casos activos de Covid-19 na Galiza segue en aumento, con 128 máis, e sitúase en 2.580. Esta xornada increméntanse os contaxios en todas as áreas, en especial na de Santiago e Barbanza, con 55 máis.