Covid-19

O presidente da Xunta e líder do Goberno galego, Alberto Núñez Feixoo, anunciou o inicio de probas da Covid-19 o 20 de agosto, ás portas das primeiras vendimas. Porén, até o día 21 o sector non recibiu o correo do Sergas no que se lle solicita os datos dos xornaleiros e xornaleiras coas que contarán. A ausencia do protocolo anunciado pola Xunta tamén abriu numerosos interrogantes

Catalunya ordena o fechamento de todos os prostíbulos debido á pandemia, unha medida que tamén entrará en vigor en Castela A-Mancha e que comunidades como a balear ou a valenciana xa están a estudar logo de que o Ministerio de Igualdade pedira por carta pór o cadeado aos lugares de explotación sexual. 

A cifra de persoas contaxiadas nas residencias é de 84. Hai dous novos falecementos pola Covid, ambos na área sanitaria de Lugo.

"O anuncio da máscara obrigatoria a partir de 6 anos é unha medida insuficiente e coa que busca de novo non investir nin un só euro en redución de ratios e na contratación de persoal docente e non docente, as únicas medidas que poden contribuír a garantir a seguridade e a distancia social na escola", indica nun comunicado.

Núñez Feixoo anunciou o 19 de agosto a aprobación do protocolo para explotacións agrícolas con traballadores temporeiros, porén os sindicatos agrarios non teñen información ao respecto. Medio Rural sinala que é a Consellaría de Sanidade a responsábel de aplicalo, mais esta non respondeu as cuestións de Nós Diario sobre como se levarán a cabo as probas.

A poucos días da reincorporación do profesorado aos centros e menos de tres semanas para o inicio do curso escolar multiplícanse as voces que exixen á Xunta que asuma as súas competencias en materia educativa e estabeleza as medidas que dean seguridade sanitaria ao alumnado e o persoal que se incorpore aos centros de ensino en setembro, no canto de ampararse na Administración estatal, á mesma á que lle reclamaba hai uns meses a fin do estado de alarma e a devolución das súas competencias. 

Pontón rexeita "cortinas de fume" e pide medidas "eficaces", e Arangüena lamenta que o Goberno galego "non estea á altura" da situación.

Unha residencia do Incio rexistra 65 usuarias infectados e catro traballadores

Están nos seus domicilios en situación de illamento.

A plataforma galega Ensino sen Riscos reclama á Xunta que o alumnado das familias que así o decidan manteñan o ensino en liña. Desde Confapa, que comprende esta demanda no caso de familias con persoas de risco, e Profesorado en pé lembran que os centros contribúen a diminuír as desigualdades sociais.

A CIG, sindicato maioritario no sector, valora a convocatoria dun paro en todos os niveis educativos.

A redución das taxas de contaxio e de casos con orixe descoñecida, xunto coa falta de "evidencias" de que o foco de coronavirus que afecta á Coruña e a súa comarca se estea a propagar noutros puntos da Galiza, xusfican a decisión da Xunta de non engadir restricións na área sanitaria que acumula dous terzos dos casos de coronavirus da Galiza.

O pasado mes de xullo, a Xunta remitiu aos centros de ensino o seu protocolo para o inicio de curso, que elaborara sen contar coa visión do profesorado nin das familias, e que agora deberá reformular á vista da evolución epidemiolóxica e das pautas que marque o Goberno estatal. 

Os novos casos soben a 3.715 no Estado español e dóbranse as mortes até 131

Unha nova vaga de cancelacións afecta o sector musical galego de maneira dramática. A Xunta fixo pública esta semana a súa decisión de suspender toda a programación dependente do apoio de Agadic durante os meses de agosto e setembro, para adaptarse ás medidas de saúde pública que inclúen, de maneira indefinida, o feche dos locais de ocio nocturno. O sector acolle a nova con incomprensión ante a localización das medidas e a equiparación da actividade das salas de concertos a pubs ou discotecas. 

Probarase nun total de 676 persoas de entre 19 e 80 anos.