ERC conquistaría a alcaldía de Barcelona mentres o PP ficaría fóra do concello
A aposta de ERC por apelar ao legado de Pasqual Maragall —ao apresentar como candidato o seu irmán Ernest— podería dar moi bos resultados, de estar no certo o inquérito que esta quinta feira publica El Periódico de Catalunya. Segundo a sondaxe de GESOP, ERC gañaría con clareza as eleccións municipais en Barcelona, con 23,5% do voto (entre 10 e 11 actas). En segunda praza ficaría a Barcelona en Comú de Ada Colau, con 19,5% dos sufraxios e entre 8 e 9 concelleiras. O PP ficaría fóra do salón de plenos, un resultado catastrófico para o partido aínda maioritario no Congreso dos Deputados.