Ferido un home de 49 anos ao caerlle unha pedra de gran tamaño nunha perna mentres traballaba en Sada
Gharaboto brilla na Liga Atlántica de Billarda
Novas axudas a deportistas da Deputación da Coruña
Os bombeiros traballan para confirmar que non houbo vítimas no incendio dun edificio abandonado de Narón
Os bombeiros de Narón (comarca de Ferrol) extinguiron nas últimas horas un incendio que afectou a un edificio abandonado na Estrada de Castela, en Xubia, e iniciaron os labores de limpeza para confirmar que non se produciron vítimas, xa que o inmóbel adoita estar frecuentado por unha muller, aínda que a veciñanza afirmou que hai días que non a ve por alí. Segundo informou o 112 Galiza, o lume iniciouse pasada a medianoite e as chamas comezaron nun rocho, entre a planta menos un e planta cero do edificio. Os servizos de Emerxencia mobilizaron aos bombeiros de Narón, de Ferrol e á Policía. Os labores de extinción víronse complicadas polo estado de abandono do edificio.
Borja San Ramón anuncia que non seguirá á fronte de Podemos na Galiza
O coordinador de Podemos na Galiza, Borja San Ramón, anunciou este domingo no Consello Cidadán Galego que non se presentará ao próximo congreso da formación e mostrou a súa aposta por Isabel Faraldo, candidata á presidencia da Xunta nos pasados comicios galegos do 18 de febreiro. Nunha nota de prensa, Podemos detallou que o actual líder da formación destacou que hai "unha aposta clara por darlle continuidade ao traballo político comezado por esta dirección na campaña electoral e desenvolver un proxecto do que Isabel Faraldo é a principal cara visíbel". Nesta liña, puxo en valor o "magnífico papel que fixo Isabel no debate da CRTVG" e a necesidade de "visibilizar a súa figura para poder desenvolver e darlle estabilidade a un proxecto" que "devolva" a Podemos ás institucións galegas. Así, desde a formación violeta quixeron recalcar tamén que é o momento de "dar estabilidade e reforzar a organización" para "poder abrir un ciclo político que permita que o partido traballe en liña co rumbo tomado".
A luz baixa este domingo até 3,97 €/MWh e manterase a cero euros até as 18 horas
O prezo do mercado almacenista eléctrico, o denominado 'pool', baixará este domingo a 3,97 euros o megawatt hora (MWh) de media e manterase a cero euros practicamente todas as horas até as 18 horas, segundo os datos provisionais do Operador do Mercado Ibérico de Enerxía (OMIE). O prezo máis alto rexistrarase entre as 21 horas e as 22 horas, con 30,6 euros/MWh, segundo os datos de OMIE. Por décimo día consecutivo o prezo da luz mantense por baixo dos 10 euros de media, aínda que este prezo non se traslada logo ao recibo exactamente, xa que existen uns custos fixos para o consumidor eléctrico, por peaxes, cargos e axustes do sistema. Este descenso desde o 22 de febreiro no mercado almacenista da electricidade débese, principalmente, á presenza dunha fronte atlántica que provoca fortes refachos de vento e que, á súa vez, impulsa a presenza das renovábeis no 'mix' de xeración, así como á caída da demanda coa chegada da fin de semana con respecto aos días laborábeis.
Oito ríos e tres rías galegas atópase baixo vixilancia ante o risco de asolagamento
A Xunta da Galiza mantén activo o Plan Especial ante o Risco de Inundacións de Galicia (Inungal) que nestes momentos aplícase en oito ríos e tres rías de toda a xeografía galega. En concreto, atópanse en seguimento as estacións de control de aforo na Mariña do río Covo (Cervo), o río Landro (Viveiro) e o río Ouro (Foz). Ademais, contrólase o río Mera en Ortigueira (comarca do Ortegal), as rías de Cedeira (Ferrolterra) e Ortigueira, así como os ríos Xubia, en San Sadurniño (Ferrolterra); Eume, nas Pontes de García Rodríguez (comarca do Eume); Mandeo, en Aranga (comarca de Betanzos); a ría de Betanzos e o río Landro en Viveiro (A Mariña). Desde a Dirección Xeral de Emerxencias lembran que é necesario extremar as precaucións. Entre outras recomendacións, para evitar riscos, o 112 Galiza aconsella abandonar calquera actividade que se realice nos cursos fluviais, evitar atravesar pontes ou torrentes, retirar os vehículos da marxe dos ríos e, en caso de inundación nunha vivenda, acceder á parte máis alta para protexerse.
Falece un home tras caer ao mar na Coruña
Un home faleceu, a última hora da tarde desta sexta feira, tras caer ao mar na zona da praia Amorosas, na Coruña. Segundo informou o 112, os feitos sucederon minutos antes das 21 horas cando Salvamento Marítimo solicitou asistencia sanitaria urxente para unha persoa que rescataran da auga a bordo do Helimer. A central de emerxencias deu aviso a Urxencias Sanitarias da Galiza-061 que, a pesar dos esforzos, nada puideron facer por salvarlle a vida e tamén acudiron sete bombeiros con dous vehículos. Os Bombeiros da Coruña detallaron que desde o helicóptero descendeu un mergullador e recuperou o corpo. Con todo, os efectivos do parque da Grela non tiveron que intervir neste operativo no que tamén participou a Policía Local e Protección Civil.
Julia Benedetti brilla en Dubai e achégase aos Xogos de París
Un desprendemento interrompe a circulación ferroviaria en Miño (As Mariñas) durante case catro horas
Un desprendemento de rochas sobre a vía provocou o corte da circulación ferroviaria esta sexta feira en Miño (As Mariñas) durante case catro horas. Segundo informou Adif, o tráfico quedou restabelecido minutos antes das 13 horas, catro horas despois de que un tren da liña Ferrol-Betanzos-Infesta-Lugo sufrira unha avaría ao impactar contra unhas rochas.
O incidente produciuse ás 9.30 horas á altura da ponte romana de Perbes e obrigou a que os pasaxeiros e as pasaxeiras (ningunha resultou ferida) foran trasladados por estrada para que puidesen continuar a súa viaxe noutro tren.
Santiago(é)tapas fecha a XV edición este domingo con centos de premios
A Xunta atribúe o derrubamento de parte da ponte de Xunqueira de Espadanedo a "un defecto de construción"
A Secretaría das Mulleres do SLG cumpre os 20 anos de encontros
EAPN exixe ás forzas políticas compromiso no acceso da cidadanía á vivenda
Máis de 20 persoas migrantes falecen nun naufraxio cando intentaban alcanzar Canarias
No mínimo 24 persoas perderon a vida fronte ás costas de Senegal, nas proximidades da fronteira con Mauritania, informaron hoxe medios internacionais, tras afundirse unha embarcación con 280 persoas cando trataban de chegar a Canarias. Case 1.000 persoas migrantes faleceron nos primeiros seis meses de 2023 nesta ruta marítima, indicou o grupo en defensa dos dereitos das migrantes Walking Borders.